ДУЙНӨЛҮК  БАНК

vbg-en

Дүйнөлүк банк – өнүгүү  процессине өз салымын кошуп келген ири дүйнөлүк уюмдардын бири болуп саналат. Анын эң башкы милдети - калктын эң жарды катмарына жана жарды өлкөлөргө жардам берүү. Банктын миссиясы-

туруктуу натыйжаларга жетишүүгө багытталган  жакырчылык менен кесипкөй күрөшүү. Банк адамдарга өзүнө жана курчап турган айлана-чөйрөгө кам көрүү үчүн ресурстар менен камсыздоону, маалымат алмашууну, мүмкүнчүлүгүн бекемдөөнү, мамлекеттик жана жеке секторлордо өнөктөштүктөрдү түзүүнү камсыздайт.

ДҮЙНӨЛҮК САЛАМАТТЫК САКТОО УЮМУ

WHO en

Дүйнөлүк саламаттык сактоо уюму (ДССУ) – негизги милдети Жер шарынын калкынын саламаттыгын сактоодогу эл аралык маселелерин чечүү болгон  Бириккен Улуттар Уюмунун атайын мекемеси. Ал 194 мүчө мамлекеттерден турат. 1948-жылы түзүлүп, штаб-квартирасы Швейцариянын Женева шаарында жайгашкан.

1994-жылы Кыргызстанда ДССУнун Өлкөлүк Кеңсеси ачылгандан тартып ДССУ калктын ден-соолугун жакшыртууга жана ден-соолукка карата болгон  теңсиздик көйгөйлөрүн чечүүгө, саламаттык сактоо секторун реформалоого; жана  сапаттуу медициналык тейлөөлөрдүн жеткиликтүүлүгүн кеңейтүүгө  өзгөчө көңүл буруп келет.

GIZ  Кыргызстанда

ELdZ bil KGGIZ EN colour rgbӨнүгүүгө натыйжалуу көмөк көрсөтүү

Кыргызстан Германиянын өнүгүү жаатында өнөктөш мамлекети болуп саналат. Deutsche Gesellschaft für Internationale Zusammenarbeit (GIZ) GmbH (Германия эл аралык кызматташуу коому) 1990-жылдардын башынан тарта Германиянын экономикалык кызматташуу жана өнүктүрүү федералдык министрлигинин (BMZ) тапшырмасы менен долбоорлорду ишке ашырып келет.

1992-жылдан бери Бишкекте GIZтин өкүлчүлүгү орун алып, ал ушул өлкөдөгү уюмдун ишмердүүлүгүн координациялайт жана Борбордук Азиядагы уюмдардын көптөгөн аймактык долбоорлору учун жоопкерчилик тартат. Бишкектен тышкары, GIZ Ош жана Жалал-Абад шаарларда иштейт.

 

ЮНИСЕФ

UNICEF LogoГраждандык сектор менен кызматташуу аркылуу ЮНИСЕФ  БУУнун балдардын укугу тууралуу Конвенциясына ылайык, балдар өздөрүнүн укугун толук колдоно билүүсү  үчүн  КРнын Өкмөтүнө балдардын укугун жана мүмкүнчүлүгүн кенейтүү боюнча милдеттерин аткарууда көмөк көрсөтөт.

ЮНФПА

UNCT KG logo profile UNFPA

ЮНПФА Кыргыз Республикасынын Өкмөтүнө 1992-жылдан тарта көмөк көрсөтө баштаган: репродуктивдүү ден соолукту коргоочу товарларды  алып келүү жана улуттук  потенциялды түзүү менен калкты алгачкы жолу улуттук каттоого алууга  карата көрүлгөн даярдыктарга колдоо көрсөткөн. Биринчи    өлкөлүк программа 2000-2004-жылдарга бекитилген.  Экинчи өлкөлүк программа  5 жылга  (2005-2009-жж.) пландалган. Кийин эки жылга узартылып, 3 негизги  тармакты камтыды: репродуктивдүү ден соолук,  калкты отурукташтыруу жана өнүктүрүү жаатындагы стратегия, гендердик тенчилик .

ГЕРМАНИЯНЫН KfW ӨНҮКТҮРҮҮ БАНКЫ

kfw

Биздин миссия

Германиянын KfW Өнүктүрүү  Банкы өзүнүн ишмердүүлүгүн Германиянын экономикалык жаатта кызматташуу жана өнүктүрүү боюнча Федералдык Министригинин(BMZ)  атынан жүргүзөт. KfW өнүгүп келе жаткан өлкөлөрдө  жана  экономикасы өткөөл болгон мамлекеттерде инвестициялар тармагын жана кеңеш берүү кызматтарын каржылайт. Долбоорлорубузду ишке ашыруу процессинде  биз техникалык кызматташтык уюмдар менен тыгыз иштейбиз. Өнүктүрүү жаатындагы  ишмердүүлүктүн натыйжасында өнөктөш өлкөлөрдүн тапкан пайдасын көбөйтүү максатында жана каражаттарды найтыйжалуу пайдалануу  үчүн  KfW Өнүктүрүү Банкы өзүнүн жардамын көп жылдык тажрыйбасы жана атайын билими бар 4 негизги багытта жүргүзөт.

МЕРСИКО КЫРГЫЗ РЕСПУБЛИКАСЫНДА

mckr

“Мерсико” (Mercy Corps) уюму жөнүндө:

Мерсико мындан да жакшы дүйнөнү түзүүгө болот деген терен ишеними бар дүйнөлүк алдынкы уюм. Биз кырсыктар жана чыгашалар шартында дүйнөнүн 40тан ашык өлкөсүндө адамдарга кыйынчылыктарды жеңүүгө жана күчтүүрөөк жамааттарды түзүүгө жардам берүү менен, тобокелчиликтүү чечимдерди иш жүзүнө ашыруу үчүн биргелешип иш алып барабыз. Келечекте да улантабыз.

Чексиз  дарыгерлер

msf1

Кыргызстан көптөгөн дары-дармектерге туруктуу (МЛУ ТБ) кургак учуктун көрсөткүчү эң жогорку болгон өлкөлөрдүн катарында турат. Биз кургак учукту дарылоону бейтаптын жашаган жерине жакындатып, алардын ооруканага жатып дарылануусун минималдаштырууга аракет кылуудабы.

2018-жылы бейтаптардын дарыланууга кызыкдар болушун жогорулатуу үчүн дары-дармектерге туруктуу кургак учукту (ЛУ ТБ) видео көзөмөл астында  дарылоо ыкмасын киргиздик. Биз, ошондой эле, Кара-Суудагы  103 алгачкы медициналык-санитардык жардам көрсөтүү мекемелерине какырыктын үлгүлөрүн чогултууну баштоого  жана ошону менен бирге кургак учукту изилдөөнү борборлоштурууга көмөк көрсөттүк. Жылдын аягында  Кара-Суу районунун дары-дармекке туруктуу кургак учук менен жабыркаган оорулууларынын  70% дан ашыгы амбулатордук  дарылоого өтүп,  аз гана  сандагы бейтап оорунун терс натыйжасына кылдат байкоо жүргүзүү үчүн жана аларды кестирип салуу үчүн ооруканаларда калышкан. 2018-жылдын март айында  Бишкекте кургак учукту дарылоо маселелери боюнча калкты окутуу семинарынын 7-регионалдык симпозиуму болуп өттү, аны Европа жана Азиянын 160 эксперти өткөрдү. Симпозиумда жаңы дары-дармектерди жана диагностикалык каражаттарды колдонуунун кеңейиши жана дарылоонун жаңы ыкмалары талкууланды.

USAID «КУРГАК УЧУКТУ АЙЫКТЫРУУ» ДОЛБООРУ

usaid

USAIDдин «Кургак учукту айыктыруу» долбоору – беш жылдын ичинде Кыргызстандын Өкмөтүнө кургак учуктун дары-дармектерге туруктуу формасын аныктоону жана дарылоону жакшыртууга жардам берет.

Кургак учукка чалдыгуу тобокелдигине дуушар болгон адамдар көбүнчө калктын аярлуу тобуна киргендиктен, саламаттык сактоо кызмат көрсөтүүлөрүн пайдаланууда кыйынчылыктарды жаратышы мүмкүн. “Кургак учукту айыктыруу” долбоору кургак учукка каршы кызмат көрсөтүүлөрдүн сапатын жана жеткиликтүүлүгүн жогорулатуу, калктын аярлуу тобуна кирген жарандар үчүн дарыланууга шарттарды түзүү багытында Кыргыз Республикасынын Өкмөтү менен тыгыз кызматташат. Кургак учукка чалдыккан оорулууларга көрсөтүлгөн кодулоо жана басмырлоо мамилеси зарыл болгон кызмат көрсөтүүлөрдү алууга тоскоолдуктарды жараткандыктан, “Кургак учукту айыктыруу” долбоору медициналык кызматкерлердин жана калктын арасында кодулоо жана басмырлоо деңгээлин азайтуунун үстүнөн иштейт.

Salamat.club

usaid

Salamat.club жаштар кыймылы Саламаттыкты Сактоо Министрлиги менен кызматташтыкта болуп, калк арасында сергек жашоо образын жайылтууда жана ага байланыштуу медиа-контентти: видео тартуу, дизайн жасоо жана тренинг ѳткѳрүү сыяктуу учурларда аталган министрликке кѳмѳк кѳрсѳтѳт. 

Salamat.club – бул чыгармачыл топ. Биздин максатыбыз – медиа каражаттарын жана заманбап технологияларды колдонуп, Кыргызстандын жана Борбордук Азиянын башка ѳлкѳлѳрүнүн тургундарына сергек жашоо образын жагымдуу жана жеткиликтүү кылуу. 

Швейцариянын Кыргызстанга көрсөткөн колдоосу

SDC

 Швейцариянын Өкмөтү калктын бакубаттуулугун жогорулатуу максатында Кыргыз Республикасынын өнүгүүсүнө көмөктөшүп келет.

Швейцария кызматташуусунун урааны - бул Кыргызстандагы туруктуу өнүгүү жолундагы өнөктөштүк.

Акыркы 25 жылдын ичинде Швейцария Кыргызстанга техникалык, каржылык жана гуманитардык жардам түрүндө 430 миллион швейцария франкынан ашуун каражат бөлүп берди. Саламаттыкты сактоо тармагына - 80 миллион швейцария франкы.

Publish modules to the "offcanvas" position.