Кыргыз Республикасынын Саламаттык сактоо министрлиги МЕДИЦИНАЛЫК КОЛЛЕДЖДИН ДИРЕКТОРУ бош кызмат ордуна конкурска катышуу үчүн кайрадан талапкерлерден документтерди кабыл алууну баштайт:

Талас медициналык колледжинин директору

Дареги: Талас шаары, Манас көч., 199

Кыргыз Республикасынын Саламаттык сактоо министрлиги төмөнкү квалификациялык талаптарга жооп берген талапкерлер үчүн бош кызмат орундарына ачык конкурс жарыялайт:

Кыргыз Республикасынын Саламаттык сактоо министрлигине караштуу медициналык колледждердин директорлук кызмат ордуна талапкерлер үчүн квалификациялык талаптар:

1. Кесиптик билим деңгээли:       

- жогорку кесиптик медициналык билимдүү;

- медициналык билим берүү уюмдарында 5 жылдан кем эмес иш тажрыйбалуу;

- жетекчилик кызматтарда 3 жылдан кем эмес иш тажрыйбасы бар;

- Кыргыз Республикасынын жарандыгы.

Билими:

- Кыргыз Республикасынын Конституциясы, Кыргыз Республикасынын Эмгек кодекси, Кыргыз Республикасынын Граждандык кодекси, «Билим берүү жөнүндө», «Кыргыз Республикасынын жарандардын саламаттыгын сактоо жөнүндө», «Коомдук саламаттык сактоо жөнүндө»  Кыргыз Республикасынын Мыйзамдары, башталгыч жана орто кесиптик билим берүү чөйрөсүнө тиешелүү, билим берүү мекемелеринин билим берүү, илимий, өндүрүштүк-чарбалык жана финансы-экономикалык ишин жөнгө салуучу башка ченемдик укуктук актылары; 

- Кыргыз Республикасында билим берүү системасын өнүктүрүүнүн артыкчылыктуу багыттары;

- билим берүү системаларын башкаруунун теориясын жана методдору;

- чет элдик билим берүү уюмдарынын орто кесиптик билим берүү жана саламаттык сактоо тармагындагы илимий жетишкендиктери жана алдыңкы тажрыйбасы..

Медициналык колледждин директору соттулугу бар, соттун чечеми боюнча белгилүү кызмат орундарын ээлөө же белгилүү иш жүргүзүү укугунан ажыратылган, сот тарабынан аракетке жөндөмсүз деп таанылган адам окуу жайдын жетекчиси боло албайт.

Кызматтык милдеттери

 Уюмду жалпы башкаруу:

-  уюмдун окуу, административдик, чарбалык жана финансылык ишмердүүлүгүнө жалпы жетекчиликти жүзөгө ашырат;

-  жүктөлгөн функцияларды аткаруу, белгиленген максаттарга жетишүү жана милдеттерди өз убагында аткаруу үчүн жеке жоопкерчилик тартат;

-  өнүктүрүүнүн стратегиясын, максаттарын жана милдеттерин аныктайт, стратегиялык жана жылдык иш-пландарды иштеп чыгууну жана алардын ишке ашырылышын уюштурат жана көзөмөлдөйт;

- башкаруунун формаларын жана ыкмаларын өркүндөтөт, инновацияларды киргизет жана тобокелдиктерди башкаруу системасын колдонот.

Уюштуруу-укуктук колдоо:

- тиешелүү актыларды, эрежелерди, жоболорду жана нускамаларды 

иштеп чыгууну уюштурат жана бекитет, алардын аткарылышын контролдойт;

- зарыл болгон учурда Уставды кайра карап чыгууну демилгелейт жана аны бекитүүнү камсыздайт;

- коллективдик келишимдин аткарылышын камсыз кылат;

- жеке жана юридикалык жактардын кайрылууларын, даттанууларын жана сунуштарын карайт.

 Уюштуруу структурасы жана кадр саясаты:

- Уюмдун түзүмүн жана штаттык ырааттамасын бекитет;

- түзүмдүк бөлүмдөр жөнүндө жоболорду жана кызматкерлердин кызматтык нускамаларын бекитет;

- бөлүмдөрдүн өз ара аракеттенүүсүн жөнгө салат, комиссияларды, кеңештерди, жумушчу топторду түзөт;

- кызматкерлерди ишке кабыл алууну жана бошотууну ишке ашырат, бөлүмдөрдүн жетекчилерин кызматка дайындайт жана бошотот;

- сыйлоо жана тартиптик жаза чараларын колдонот;

- сыйлык берүү маселелерин жана кызматкерлерди сыйлоо жөнүндө өтүнүчтөрдү кабыл алат жана чечет.

Каржы-экономикалык ишмердүүлүк:

Каржы-чарбалык ишмердүүлүктүн натыйжалары үчүн жеке жоопкерчилик тартат;

Уюмдун мүлкүн жана каражаттарын тескейт, келишимдерди түзөт, ишеним каттарды берет, банктык эсептерди ачат жана чыгашалардын сметасын бекитет.

 Билим берүү ишмердүүлүгү:

Билим берүүнүн сапатынын жана адистерди даярдоонун мамлекеттик билим берүү стандарттарына шайкештигин контролдоону жүзөгө ашырат;

Билим берүү ишинин сапатына ички көзөмөл системасын камсыз кылат.

Өкүлчүлүк функциялары:

- менчигинин түрүнө карабастан мамлекеттик органдарда, мекемелерде жана уюмдарда Уюмдун атынан чыгат;

- өз компетенциясынын чегинде эл аралык кызматташуу келишимдерине кол коет.

Кошумча жоопкерчиликтер:

- кызматкерлер жана студенттер үчүн милдеттүү буйруктарды жана тескемелерди чыгарат;

- ички тартиптин, эмгекти коргоонун, коопсуздук техникасынын, өрт коопсуздугунун жана санитардык-эпидемиологиялык эрежелердин сакталышын көзөмөлдөйт;

- убактылуу эмгекке жарамсыздыгы жана башка жүйөлүү себептери жөнүндө иш берүүчүгө маалымат берет;

- мыйзамдарда жана Уюмдун Уставында каралган башка функцияларды жана ыйгарым укуктарды аткарат.

Талапкерлерге коюлган талаптар:

Сынакка катышуу үчүн төмөнкү документтерди тапшыруу зарыл:

-Паспорт;

-Арыз;

-кадрларды эсепке алуу боюнча толтурулган өздүк баракча (иш жүзүндө жашаган жеринин дарегин жана телефонун көрсөтүү менен);

-Резюме 

-белгиленген тартипте күбөлүндүргөн билим жөнүндө документтин көчүрмөсү (нотариалдык же иштеген жериндеги кадр кызматы тарабынан);

-белгиленген тартипте күбөлүндүрүлгөн эмгек китепчесин көчүрмөсү (нотариалдык же иштеген жериндеги кадр кызматы тарабынан);

-Соттолбогондугу тууралуу маалымкат;

-Дипломдун көчүрмөсү (нотариус аркылуу же акыркы иштеген жери тарабынан тастыкталган );

-Нотариус же акыркы иштеген жери тарабынан тастыкталган эмгек китепчесинин көчүрмөсү (иш стажы бар болсо);

3x4 өлчөмүндөгү 2 сүрөт.

 Бардык документтер папкага салынып, министрликтин med.kg сайтында жарыяланган күндөн тартып 10 жумушчу күндүн ичинде (2025-жылдын 12-ноябрынан тартын 2025-жылдын 26-ноябрына чейин) Кыргыз Республикасынын Саламаттык сактоо министрлигинин Адам ресурстары жана укутук камсыздоо башкармалыгына тапшырылышы зарыл.  Бишкек ш., Москва көч., 148, № 5, каб. Маалымат телефону: 0312 66-35-35

Эскертүү: Талаптарга жооп берген гана катышуучулар сынакка катышууга чакырылат. Байланыш телефон номерлери жана электрондук почталар сөзсүз көрсөтүлүшү абзел.