Гүлнара Баатырова: “Ишин жөндөй албаган жетекчилер кызматынан бошотулат”
21.11.2022 / Просмотров: 984
Бүгүн, 21-ноябрда Кыргыз Республикасынын Саламаттык сактоо министрлигинде республиканын саламаттыкты сактоо уюмдарынын жетекчилеринин катышуусунда жумалык жыйын өттү. Күн тартибинде калкка медициналык жардам көрсөтүү, КРВИ жана сасык тумоо боюнча эпидемиологиялык абал, республикадагы коронавирус инфекциясы, адам папилломавирусуна каршы эмдөө өнөктүгүнүн жүрүшү сыяктуу бир катар маселелер каралды. Жетекчилердин маалыматын уккан КР Саламаттыкты сактоо министри Гүлнара Баатырова ооруканалардагы жана баштапкы деңгээлдеги иштерге жетекчилер тарабынан көзөмөл жетишсиз болуп жатканын белгиледи. «Калктын медициналык кызматты тийиштүү деңгээлде ала албай жаткандыгы боюнча даттануулары толук негиздүү. Менеджмент жана башкаруу жетекчиден көз каранды, ошондуктан бул багытта көзөмөлдү күчөтүүнү суранам. Кыргыз Республикасынын Министрлер Кабинетинин протоколдук тапшырмасына ылайык, көрсөтүлгөн кызматтар жана кошумча төлөмдүн өлчөмү боюнча бардык стенддер жаңыртылсын. КР Саламаттыкты сактоо министрлигинин буга чейинки текшерүүсүнө ылайык, орто жана жогорку деңгээлдеги саламаттык сактоо уюмдарында реалдуу муктаждык эске алынбайт, бул финансылык башкаруунун натыйжасыз болушуна алып келет. Жетекчилердин иштерине талдоо жүргүзүлүп, анын негизинде тиешелүү жыйынтыктар чыгарылат деп айткым келет», - деп белгиледи Г.Баатырова.
Прикрепленные файлы:
Другие Новости
19.04.2024
Бөкөнбаев айылында «Эл Аман» мамлекеттик дарыканасы ачылды
2024-жылдын 19-апрелинде Ысык-Көл облусунун Тоң районунун Бөкөнбаев айылындагы Жалпы медициналык практика борборунда «Эл Аман» мамлекеттик дарыканасы ачылды.
Ачылыш аземге КР саламаттыкты сактоо министри Алымкадыр Бейшеналиев катышты.
Министр өз сөзүндө мамлекеттик дарыканаларды ачуунун негизги максаты калктын жеткиликтүү дары-дармектерге байланыштуу көйгөйлөрүн чечүү экенин белгиледи.
Жалпысынан Ысык-Көл облусунда 6 мамлекеттик “Эл Аман” дарыканасы иштөөдө.
19.04.2024
Кене вирустук энцефалиттин алдын алуу боюнча сунуштар
Республикада кене вирустук энцефалитинин (КВЭ) табигый очоктору бардык климаттык зоналарда аныкталган жана адам үчүн коркунучтуулугунун даражасына жараша белгиленет. Үстүбүздөгү жылдын 3 айында республика боюнча 156 адам кене чагып кайрылган. Анын арасында КВЭ жуктурган учур катталган жок. Чоң-Кемин, Кыргыз тоо кыркалары Күнгөй Ала-Тоо, Тескей Ала-Тоо айыл аймактарында жайгашкан очоктор олуттуу коркунучту жаратат.
Кене вирустук энцефалити кантип жугушу мүмкүн?
Оорунун козгогучу (арбовирус) адамга вирус жуккан кенен чаккан алгачкы мүнөттөрүндө анын ооруну басуучу шилекейи менен кошо жугат:
• КВЭ боюнча эндемикалык аймактарга барууда (токойлордо, токой сейил бактарында, жеке бакча участокторунда);
• кенелер жаныбарлар (иттер, мышыктар аркылуу келгенде;
• кене энцефалити боюнчу коопсуз аймактарда эчкинин (көбүнчө), койдун, уйдун чийки сүтүн ичкенде, кенелердин массалык чабуул учурунда сүттө вирус болушу мүмкүн. Баса белгилей кетүүчү нерсе, чийки сүт гана эмес, андан жасалган азыктар (быштак, каймак ж.б.) да жугуштуу;
• вирусту териге сүрткөндө кенени эзгенде же чаккан жерди тырмаганда.
• Ушул себептен чийки сүт азыктарын кайнагандан кийин гана колдонуу керек.
Оорунун кесепеттери: толук айыккандан ден соолук көйгөйлөрүнө чейин, майыптыкка жана өлүмгө алып келет.
Кене вирустук энцефалитке ким кабылышы мүмкүн?
Жашына жана жынысына карабастан бардык адамдар кене энцефалитинин инфекциясына кабылышат. Жумушуна байланыштуу токойдо жүргөндөр (жыгач өнөр жай ишканаларынын кызматкерлери, геологиялык чалгындоо кызматтары, автомобиль жана темир жол куруучулар, мунай жана газ түтүктөрүн, электр линияларын куруучулар, топографтар, мергенчилер, туристтер) тобокел тобуна кирет. Шаардын жашоочулары жумуш жана эс алуу учурунда шаар четиндеги токойлордо, сейил бактарында, бакча участокторунда жуктуруп алышат.
19.04.2024
Каракол шаарында 350 орундуу көп тармактуу оорукананын курулушу башталды
Бүгүн, 19-апрелде Ысык-Көл облустук бириккен ооруканасынын аймагында Кыргыз Республикасынын Президенти Садыр Нургожоевич Жапаровдун демилгеси менен калкка сапаттуу медициналык жардам көрсөтүүгө багытталган 350 орундуу көп функционалдуу медициналык мекеменин имаратынын курулушу башталды. Долбоорду 2025-жылга бүтүрүү пландалууда.
Капсула салуу иш-чарасына саламаттыкты сактоо министри Алымкадыр Бейшеналиев, Кыргыз Республикасынын Жогорку Кеңешинин депутаттары Гүлкан Молдобекова, Акылбек Түмөнбаев, ошондой эле Кыргыз Республикасынын Президентинин Ысык-Көл облусундагы ыйгарым укуктуу өкүлү Уланбек Далиев, облустагы саламаттыкты сактоо мекемелеринин жетекчилери жана кызматкерлери катышты.
Министр өз сөзүндө ден соолукту чыңдоо, алдын алуу жана сергек жашоо мүнөзүн калыптандыруу азыркы дүйнөнүн эң маанилүү көйгөйлөрүнүн бири экенин, ошондуктан өлкөнүн мамлекеттик саясаты жарандардын ден соолугун сактоо жана чыңдоо үчүн бардык шарттарды түзүүгө багытталганын белгиледи.
«Өлкө калкынын саламаттыгы 2026-жылга чейинки Улуттук өнүктүрүү программасынын негизги артыкчылыктарынын бири болуп саналат жана бүгүнкү күндө калктын саламаттыгына кам көрүү маселеси мамлекеттин көңүл борборунда. Кыргыз Республикасынын Президенти Садыр Нуркожоевич Жапаровго терең ыраазычылык билдирем, анын колдоосу менен бул курулуш башталып, 600 миллион сомго жакын акча каражаты бөлүнүп жатат. Каракол шаарындагы жаңы облустук оорукананын курулушу облустун тургундарына көрсөтүлүүчү медициналык кызматтын сапатын жогорулатат».
Жалпы аянты 6200 м2 болгон 350 орундуу оорукана 5 блоктон турат, анда консультациялык-диагностикалык бөлүм, операциялык бөлмөсү бар хирургиялык жана травматология бөлүмдөрү, ЛОР, көз, терапия, онкология, балдар жана башка бөлүмдөр каралган, ошондой эле лаборатория, ашкана, кир жуучу жай, кампа ж.б. уюштурулат.
Мындан тышкары, оорукананын аймагында МОРГ, ТП, кислород станциясы, откана, автопарковка, генератор орнотулат.