Кыргызстанда жана Евразия экономикалык биримдигине кирген өлкөлөрдө жүрөк-кан тамыр ооруларын (ЖКВ) алдын алуу
30.03.2023 / Просмотров: 1588
2023-жылдын 30-мартында Бишкекте ЕАЭБдин кардиология жана кардиохирургия боюнча эл аралык медициналык форумунун алкагында Кыргыз Республикасынын Саламаттык сактоо министрлигинин, ДССУнун, ЕЭКтин Эмгек миграциясы жана социалдык коргоо департаментинин жана ЕАЭБ өлкөлөрүнүн алдыңкы илимий жана медициналык борборлорунун өкүлдөрүнүн катышуусунда тегерек стол уюштурулду.
ЖЭОну жана алардын тобокелдик факторлорун талкуулоо үчүн бирдиктүү платформаны түзүү, артыкчылыктарды жана ЖЭОнун алдын алуу жана күрөшүү боюнча иш-аракеттерди саясий жайгаштыруу Туруктуу өнүгүү Максатынын (ТӨМ) жугуштуу эмес оорулардан эрте өлүмдү үчтөн бирине кыскартуу милдетине гана жетпестен, ошондой эле экономикалык өнүгүүнү жогорулатууга мүмкүндүк берет.
Тегерек столдун жүрүшүндө Дүйнөлүк саламаттыкты сактоо уюмунун өкүлдөрү Кыргызстанда жана ЕАЭБ өлкөлөрүндө жүрөк оорусуна тез жардам көрсөтүү жана реабилитациялоо, артериялык гипертензияны көзөмөлдөө, тузду колдонууну азайтуу, тамекиге каршы күрөшүү боюнча баяндамаларды беришти. Ошондой эле ЕАЭБ алкагында саламаттыкты сактоо тармагындагы кызматташтыкты өнүктүрүү маселелери талкууланды.
«Бул ЕАЭБ өлкөлөрүн, Дүйнөлүк саламаттыкты сактоо уюмун жана Евразия экономикалык комиссиясын бириктирүү жагынан абдан маанилүү форум. Андан тышкары, бул иш-чара нормативдик-укуктук базаны өнүктүрүү, саясатты, мамлекеттер ортосундагы өз ара аракеттенүүнү, тажрыйба алмашуу жагынан кызматташтыкты өркүндөтүү максатында жүрөк кан тамыр ооруларын жана ЖЭО көйгөйүнө көңүл бурууга мүмкүнчүлүк. Бүгүн практикалык аспектиде маркировкалоо, тузду, транс майларды, кант камтыган азыктарды керектөөнү азайтуу маселелери ЕАЭБ өлкөлөрүнүн мыкты илимий кесиптик бирикмелери менен талкууланды.
Гипертония оорусун аныктоону жана дарылоону жакшыртуу, туз саясатын ишке ашыруу сыяктуу гипертонияны көзөмөлдөөнү жакшыртуучу иштер сунушталды. Анткени, Кыргызстанда салттуу түрдө туз абдан көп керектелет, бул жогорку кан басымдуулукту билдирет. Ал эми жогорку кан басым инфаркттан жана инсульттан болгон өлүмдөрдүн эки эсеге көбөйүшүнө алып келет”, - деди ДССУнун Кыргызстандагы өкүлчүлүгүнүн Улуттук медициналык кызматкери Алина Алтымышева.
«Кыргызстанда тамеки чегүү, тузду, майлуу тамактарды ашыкча колдонуу, физикалык активдүүлүктүн аздыгы, жашылча-жемиштерди колдонбоо сыяктуу бир катар факторлор бар, алар ЖКОнун коркунучун күчөтөт. Калк арасында инфаркт жана инсульт коркунучун азайтуу үчүн калктын деңгээлинде, мыйзамдык жана ченемдик укуктук база иштеши керек. Бул тамеки чегүү, алкоголдук көз карандылыкты азайтуу, физикалык активдүүлүктү, сергек жашоо образын жана туура тамактанууну жайылтуу аркылуу ишке ашырылат. Жүрөк-кан тамыр оорулары жана ЖЭОнун жүктөмүнүн контекстинде ЕАЭБ өлкөлөрү дүйнөдө эң жогорку көрсөткүчкө ээ», - деп билдирди ДССУнун Европа аймактык бюросунун жүрөк-кан тамыр оорулары жана диабет боюнча аймактык медициналык кызматкери, доктор Жилл Фаррингтон.
Прикрепленные файлы:
Другие Новости
29.12.2025
Жаңы жылдык майрам жана дем алыш күндөрү саламаттык сактоо уюмдарынын иш тартиби
Кыргыз Республикасынын Саламаттык сактоо министрлиги майрам жана дем алыш күндөрүндө саламаттык сактоо уюмдарынын иштөө тартиби тууралуу маалымдайт.
Медициналык жардамдын жеткиликтүүлүгүн жана үзгүлтүксүз көрсөтүлүшүн камсыз кылуу максатында 2025-жылдын 30–31-декабрында республика боюнча бардык медициналык уюмдарда күчөтүлгөн иш тартиби камсыздалат. Бул күндөрү медициналык кызматкерлердин кошумча нөөмөттөрү уюштурулуп, кызматтардын жогорку даярдыгы камсыз кылынат, ошондой эле калкка шашылыш жана тез жардам көрсөтүү үзгүлтүксүз жүргүзүлөт.
2026-жылдын 1-9-январь аралыгында, жаңы жылдык каникул күндөрүндө, саламаттык сактоо уюмдары белгиленген тартипте иштеп, жооптуу кызматкерлердин нөөмөттөрү уюштурулат. Медициналык мекемелерде күнү-түнү тез жардам көрсөтүү камсыздалып, шашылыш дарылоого муктаж бейтаптарды жаткыруу үчүн керебеттердин резерви түзүлөт. Ошондой эле зарыл болгон дары-дармектердин, медициналык буюмдардын, кан компоненттеринин жана алардын резервдеринин жетиштүүлүгү камсыздалат.
Амбулатордук деңгээлде — үй-бүлөлүк медицина борборлорунда, жалпы дарыгердик практика борборлорунда жана үй-бүлөлүк дарыгерлер топторунда — 1–9-январь күндөрү үй-бүлөлүк дарыгердин, үй-бүлөлүк медайымдын жана каттоо бөлүмүнүн нөөмөттөрү 08:00дөн 18:00гө чейин, ал эми дарылоо кабинеттери 14:00гө чейин иштейт.
Тез жардам кызматы Бишкек жана Ош шаарларында, ошондой эле өлкөнүн бардык аймактарында демалышсыз, күнү-түнү иштейт. Мындан тышкары, санитардык авиациянын үзгүлтүксүз иши, санитардык-эпидемиологиялык кызматтын адистеринин жана лабораториялардын нөөмөтү майрамдык жана дем алыш күндөрү да камсыздалат.
Кыргыз Республикасынын Саламаттык сактоо министрлиги жаңы жылдык майрамдар мезгилинде калкка медициналык жардам толук көлөмдө көрсөтүлөрүн белгилеп, жарандарды зарыл болгон учурда медициналык уюмдарга өз убагында кайрылууга чакырат.
26.12.2025
Дары-дармектерге жеткиликтүүлүк жана ачык-айкын сатып алуулар: КР Саламаттык сактоо министрлиги БУУнун тутумундагы уюмдар менен кызматташуунун артыкчылыктарын талкуулады
2025-жылдын 26-декабрында Кыргыз Республикасынын Саламаттык сактоо министри Каныбек Досмамбетов Бириккен Улуттар Уюмунун тутумуна кирген уюмдардын өкүлдөрү менен жумушчу жолугушуу өткөрүп, анда колдонулуп жаткан Өз ара түшүнүшүү жөнүндө меморандумдун алкагында дары-дармек менен камсыздоо маселелери талкууланды.
Талкуунун жүрүшүндө тараптар дары-дармек менен камсыздоо жаатындагы кызматташуунун негизги багыттарына — улуттук жөнгө салуу тутумун чыңдоо, өмүр үчүн зарыл дары-дармектерге жеткиликтүүлүктү кеңейтүү, сатып алуулардагы ачык-айкындуулукту жогорулатуу жана жеткирүү чынжырларынын туруктуулугун камсыз кылууга өзгөчө көңүл бурушту.
Министр сапаттуу дары-дармектерге адилеттүү жана туруктуу жеткиликтүүлүктү камсыз кылуу саламаттык сактоо тармагындагы мамлекеттик саясаттын артыкчылыктуу багыттарынын бири экенин жана бул Туруктуу өнүгүү максаттарына, айрыкча «Чың ден соолук жана бакубаттуулук» максатына жетүү менен түздөн-түз байланыштуу экенин баса белгиледи.
Өзүнчө көңүл сатып алуулардагы ачык-айкындуулукка жана коррупциялык тобокелдиктерди алдын алууга бурулду. Каныбек Досмамбетов системалуу өзгөрүүлөрдүн зарылдыгын белгилеп, алар адилетсиз практикаларды четтетүүгө жана бюджеттик каражаттарды натыйжалуу пайдаланууга багытталышы керектигин айтты.
«Мамлекет жыл сайын дары-дармек сатып алууга олуттуу каражаттарды багыттайт, биздин милдет — бул ресурстарды мүмкүн болушунча ачык-айкын жана рационалдуу пайдаланууну камсыз кылуу. Биз сатып алуулар тармагында тартипти катуу орнотууга, системаны адилетсиз практикалардан тазалоого жана туруктуу, чынчыл кызматташтыкты курууга багыт алдык. Өнүктүрүү боюнча өнөктөштөрүбүздүн колдоосу менен бул кызматташтык системалуу жана узак мөөнөттүү мүнөздө болот деп ишенебиз», — деп белгиледи Каныбек Досмамбетов.
Өнүктүрүү боюнча өнөктөштөр кызматташууну мындан ары тереңдетүүгө даяр экенин, анын ичинде эл аралык стандарттарга ылайык сатып алууларды колдоо, жеткирүү чынжырларын башкаруу, санариптик чечимдер, фармакологиялык көзөмөл жана саламаттык сактоо тутумунун институционалдык потенциалын жогорулатуу багыттарында көмөк көрсөтүүнү ырастады.
Жолугушуунун жыйынтыгында тараптар Өз ара түшүнүшүү жөнүндө меморандумдун жоболорун ишке ашыруу боюнча биргелешкен ишти улантууга макулдашышты. Бул иш конкреттүү, өлчөнө турган натыйжаларга багытталып, дары-дармек коопсуздугун чыңдоого жана бейтаптардын кызыкчылыктарын коргоого кызмат кылмакчы.
25.12.2025
Кыргызстанда 2026-жылы ажылыкка зыярат кылуучуларга эмдөө иш-чаралары уюштурулду
Санитардык-эпидемиологиялык коопсуздукту камсыз кылуу жана жугуштуу оорулардын жайылышын алдын алуу максатында, Кыргыз Республикасынын Саламаттыкты сактоо министрлиги тарабынан 2026-жылы Меккеге ажылык сапарга баруучу жарандарды профилактикалык эмдөөнү жүргүзүү уюштурду.
Кыргыз Республикасынын Саламаттыкты сактоо министрлигинин бекитилген буйругуна ылайык, бардык зыяратчылар менингококк инфекциясына, ошондой эле сезондук сасык тумоого каршы эмдөөдөн өтүшү керек. Бул чаралар эл аралык саламаттыкты сактоо жана санитардык талаптарга жооп берет жана ажылыкка кирүү үчүн милдеттүү талап болуп саналат.
Эмдөөлөр 2025-жылдын 23-декабрынан 30-декабрына чейин республиканын бардык аймактарындагы саламаттык сактоо уюмдарында 1-таблицага ылайык жүргүзүлөт, милдеттүү түрдө алдын ала медициналык кароодон өтүшөт. Эмдөөлөр бардык коопсуздук талаптарына, «муздак чынжырча» стандарттарына жана инфекцияны көзөмөлдөө эрежелерине жооп берет.
1-таблица
2026-жылдагы ажылык сапарга баруучуларга эмдөө жүргүзүлгөн жерлердин тизмеси
| № | Аймактар | Вакцинацияланган жер |
| 1 | Ош облусу жана Ош шаары | №8 ΥМБ Ош областтык жана Ош ш. эмдөө кабинети, Ж.Райымбекова көч. №22 |
| 3 | Жалал-Абад облусу | Манас шаары, Курманбек көчөсү, №13, №2 ҮДТнын эмдөө кабинети |
| 4 | Баткен облусу | Баткен облусунун ҮМБ эмдөө кабинети, Султанмурат көчөсү, Мин башы №14 |
| 5 | Талас облусу | Талас шаары, областык ҮМБ эмдөө кабинети, Бердике Баатыр көчөсү №293 |
| 6 | Ысык-Көл облусу | Каракол шаары, областык ҮМБ, Абдрахманов көчөсү, № 121 |
| 7 | Нарын облусу | Нарын шаары, областык ҮМБ, эмдөө кабинети Качкынов көчөсү №5 |
| 8 | Чуйская аймак | -ЖДПБ Кант шаары, Ысык-Ата району, көч. Иманкулова №6. - ҮДТ Военно-Антоновка, Сокулук району, Фрунзе көчөсү б/н |
| 9 | Бишкек | Бишкек шаары, №5 ҮМБнын эмдөө кабинети, Курманжан Датка көчөсү, №109а |
Бардык катышкан саламаттыкты сактоо уюмдары эмдөө үчүн зарыл болгон вакциналар жана каражаттар менен камсыздалган. Эмдөө аяктагандан кийин ар бир зыяратчы белгиленген үлгүдөгү эмдөө сертификатын алат жана маалымат электрондук эмдөөнү каттоо системасына киргизилет.
Кыргыз Республикасынын Саламаттыкты сактоо министрлиги 2026-жылы ажылыкка барууну пландап жаткан жарандарды белгиленген эмдөө пункттарында өз убагында медициналык кароодон жана эмдөөдөн өтүүгө чакырат. Бул чараларды сактоо зыяратчылардын ден соолугун коргоо жана өлкөгө жугуштуу оорулардын киришинин алдын алуу үчүн абдан маанилүү.