Кантка көз карандылыкты токтотууга убакыт келди!

28.06.2022 / Просмотров: 1089

Кант кошулган суусундуктарды колдонууну азайтуу менен, сиз бош канттарды жана жалпысынан калорияларды азайтып, тамактануу сапатын жакшыртып, ашыкча салмак, диабет жана кариес менен ооруган адамдардын санын азайта аласыз.

 

Бош канттар деп өндүрүүчүлөр, ашпозчулар же керектөөчүлөр тарабынан тамак-ашка жана суусундуктарга кошулган моносахариддер (мисалы, глюкоза, фруктоза) жана дисахариддер (мисалы, сахароза же ашкана канты), ошондой эле бал, сироп, жемиш ширелери жана жемиш концентраттарында табигый түрдө кездешкен канттар айтылат.

 

Дүйнөлүк саламаттыкты сактоо уюму кант кошулган суусундуктарды колдонууну азайтуу жана алардын адамдын ден соолугуна тийгизген таасирин азайтуу боюнча глобалдуу аракеттерди көрүүгө чакырат.

 

 

Кантты ашыкча колдонуунун организмге тийгизген зыяны тууралуу айрым фактыларга көңүлүңөрдү бурабыз.

 

 

 

Кант майдын пайда болушуна себеп болот

 

Шекерди көп колдонуу семирүүгө алып келет. Жогоруда айтылгандай, кант витамин, клетчатка жана минералдарды камтыбаган жогорку калориялуу продукт болуп саналат.

 

Эскерте кетсек, адам тамак-аш менен колдонгон кант боордо гликоген түрүндө топтолот. Эгерде боордо гликоген запасы кадимки нормадан ашып кетсе, жеген кант майдын запасы түрүндө, адатта, жамбаш жана курсак аймактарында топтоло баштайт.

 

Кант жалган ачкачылык сезимин жаратат

 

Кантты ашыкча керектөө, адатта, инсулин менен глюкозанын деңгээлинин тез өсүшүнө алып келет, акырында бул жалган ачка болуу сезимине жана ашыкча тамактанууга алып келет.

 

Кант картаюуга салым кошот

 

Кантты ашыкча колдонуу териде бырыштардын эрте пайда болушуна алып келиши мүмкүн, анткени кант теринин коллагенинде резервде сакталып, ошону менен анын ийкемдүүлүгүн төмөндөтөт.

 

Кант көз карандылыкты жаратат

 

Келемиштерге жасалган эксперименттер көрсөткөндөй, кант көз карандылыкка алып келет. Бул маалыматтар адамдарга да тиешелүү. Бул продуктуну колдонууда адамдын мээсинде морфин, кокаин жана никотиндин таасири астында болгондой өзгөрүүлөр болот.

 

Кант организмди В витаминдерин жок кылат

 

Бардык В витаминдери (өзгөчө витамин B1 - тиамин) кантты жана крахмалды камтыган бардык тамак-аштарды туура сиңирүү үчүн зарыл. Ак канттын курамында В витамини жок.Ошондуктан ак кантты сиңирүү үчүн организм В витаминдерин булчуңдардан, боордон, бөйрөктөн, нервдерден, ашказанда, жүрөктөн, териден, көздөн, кандан ж.б.органдан жок кылат

 

Кант жүрөккө таасир этет

 

Ак кант жүрөк булчуңунун ишине олуттуу терс таасирин тийгизет. Ал тиаминдин катуу жетишсиздигине алып келиши мүмкүн, бул жүрөк булчуң тканынын дистрофиясына алып келиши мүмкүн, ал эми кан тамырдан тышкары суюктуктун топтолушу акырында жүрөктүн токтоп калышына алып келиши мүмкүн.

 

 Кант организмден кальцийди сыртка чыгарат

 

Кант кальцийдин сиңишине тоскоол болот. Эгер таттууларды көп жесеңиз, анда кальций менен фосфордун катышы абдан бузулат.

 

Остеопороз сыяктуу оорулардын пайда болушуна, ошондой эле тиш оорулары жана сөөктөрдүн алсызданышына, албетте, организмдеги кальцийдин жетишсиздиги себеп болот. Рахит сыяктуу оору жарым-жартылай ак кантты ашыкча керектөөгө байланыштуу болушу мүмкүн.

 

Кант иммундук системанын күчүн 17 эсеге төмөндөтөт!

 

Каныбыздагы кант канчалык көп болсо, иммунитет ошончолук начарлайт. Кант диабети эмне үчүн коркунучтуу? Анткени чыныгы коркунуч кантта. Кант диабетинде организм кантты сиңире албайт жана ал акырындык менен организмде топтолот. Ал канда канчалык көп болсо, ошончолук биздин иммундук системабыз алсырайт.

Прикрепленные файлы:

Другие Новости

29.03.2024
Курортология жана реабилитациялык дарылоо кыргыз илимий-изилдөө институтунда мамлекеттик аптека ачылды

Бүгүн, 2024-жылдын 29-мартында, Кыргыз Республикасынын Саламаттык сактоо министри Алымкадыр Бейшеналиев Курортология жана реабилитациялык дарылоо кыргыз илимий-изилдөө институтунун базасында «Эл Аман» мамлекеттик дарыканасынын ачылыш аземине катышты.

Министр өз сөзүндө республиканын саламаттык сактоо уюмдарынын базасында «Эл Аман» мамлекеттик аптекалар тармагынын ачылышы өлкөнүн калкын жеткиликтүү жана сапаттуу дары-дармек менен камсыздоого умтулуу экендигин белгиледи. Мамлекеттик аптека өлкөдөгү жеке дарыканаларга салыштырмалуу 10-15% арзандатылган жеткиликтүү баада дарылардын кеңири спектрин сунуштайт.

Курортология жана реабилитациялык дарылоо кыргыз илимий-изилдөө институтунда жылына 15 миңге жакын бейтап дарыланып, Таш-Дөбө, Бер-Булак, Кашка-Суу, Байтик, Арчалы, Арашан айылдарынын тургундары керектүү дары-дармектерди ҮДТнын дарыгерлери жазып берген рецепт боюнча сатып ала алышат.

Белгилей кетсек, өлкө боюнча жалпысынан 78 мамлекеттик дарыкана иштеп, калкты жеткиликтүү баада дары-дармек менен камсыз кылууда.

28.03.2024
НЕКРОЛОГ

2024-жылдын 27-мартында Ысык-Көл райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери Токтоназарова Алина Эсентуровна мезгилсиз дүйнөдөн кайтты. Ал өлкөнүн саламаттык сактоо тармагын өнүктүрүүдө өчпөс из калтырды.

Эмгек жолун 1998-жылы санитардык агартуу бөлүмүндө санитардык врач болуп баштаган, 2003-жылдан тартып Ысык-Көл райондук мамлекеттик санитардык-эпидемиологиялык көзөмөл борборунда тамак-аш гигиенасы боюнча санитардык дарыгер кызматын аркалаган. 2009-жылы Ысык-Көл облустук оорулардын алдын алуу борборунда мамлекеттик санитардык-эпидемиологиялык көзөмөл бөлүмүнүн башчысы, ал эми 2010-жылы санитардык бөлүмдүн башчысы болуп иштеген.

2012-жылы Кыргыз Республикасынын Өкмөтүнө караштуу Санитардык, ветеринардык жана фитосанитардык коопсуздук боюнча мамлекеттик инспекциясынын Бишкек шаардык инспекциясынын башкы санитардык көзөмөл адиси болуп дайындалган. 2013-жылы Ысык-Көл райондук мамлекеттик санитардык-эпидемиологиялык көзөмөл борборуна санитардык дарыгер болуп кайтып келген.

2021-жылы Ысык-Көл райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери болуп дайындалып, өмүрүнүн акыркы күндөрүнө чейин баа жеткис эмгегин улантты.

 

Анын кесипкөйлүгү, ишке берилгендиги жана жарандардын ден соолугуна болгон камкордугу кесиптештеринин эсинде түбөлүккө сакталат. Анын дүйнөдөн кайтканы бул керемет инсанды билген жана баалаган ар бир адам үчүн орду толгус жоготуу.

Токтоназарова Алина Эсентуровнанын үй-бүлөсүнө жана жакындарына терең кайгыруу менен көңүл айтабыз.

 

Саламаттык сактоо министри Алымкадыр Бейшеналиев, министрдин орун басары Медербек Исмаилов, министрдин орун басары Айжамал Шамбетова, министрдин орун басары Бүбүжан Арыкбаева, министрдин орун басары Бакыт Джангазиев. Оорулардын алдын алуу жана мамлекеттик санитардык-эпидемиологиялык департаментинин эмгек жамааты.

28.03.2024
НЕКРОЛОГ

Саламаттыкты сактоо системасы, анын ичинде Эне жана баланы коргоо улуттук борбору орду толгус жоготууга учурады. Эне жана баланы коргоо улуттук борборунун мурдагы директору, медицина илимдеринин доктору, илимий кызматкер Маймерова Гүлзат Шаршенбековна 51 жашында мезгилсиз дүйнөдөн кайтты.

Маймерова Гүлзат Шаршенбековна 1973-жылы 2-июнда Бишкек шаарында туулган. Гүлзат Шаршенбековна 2000-жылы Кыргыз мамлекеттик медициналык академиясын ийгиликтүү аяктап, 2010-жылы илимий ишмердүүлүгүн баштап, медицина илимдеринин кандидаты, 2016-жылы ага илимий кызматкер наамы ыйгарылып, 2018-жылы медицина илимдеринин доктору илимий даражасын ийгиликтүү коргогон.

   Мугалимдик эмгек жолун 2015-жылы баштаган, ал учурда Эне жана баланы коргоо улуттук борборунда клиникалык ординаторлордун жетекчиси болгон. 2019-жылдан бери Кыргыз Республикасынын Саламаттык сактоо министрлигинин алдындагы дипломдон кийинки билим берүүнүн координациялык кеңешинин катчысынын милдетин аткарып, жалпы практикадагы ординаторлордун күндөлүгүн түзүүгө активдүү катышкан.

2016-жылдан тарта Г.Ш.Маймерова Эне жана баланы коргоо улуттук борборунун директорунун илимий иштер боюнча орун басары кызматына дайындалгандан кийин 20 жылдан бери биринчи жолу балдар хирургиясы боюнча кандидаттык диссертация корголгон. Ошондон бери Эне жана баланы коргоо улуттук борборунун «Эне жана баланы коргоо» илимий журналында педиатрия, балдар хирургиясы жана акушердик-гинекология боюнча редактордун орун басары болуп эмгектенип келген. Гүлзат Маймерованын жигердүү ишинин натыйжасында 2020-жылдан баштап бул журнал Россия Федерациясынын Россиянын илимий цитаталар индексинин базасына киргизилген.

Жогорку категориядагы дарыгер, саламаттыкты сактоонун “Эмгек сиңирген ишмери” Гүлзат Шаршенбековна 2018-жылы Кыргыз Республикасынын саламаттыкты сактоо тармагында көп жылдык үзүрлүү эмгеги,калктын ден соолугун чыңдоого кошкон зор салымы, ошондой эле активдүү коомдук ишмердиги үчүн Кыргыз Республикасынын Жогорку Кеңешинин “Ардак Грамотасы” менен сыйланган. Ал мыкты сапаттарга ээ, өзүнө коюлган милдеттерди тез жана сапаттуу чече билген тажрыйбалуу адис эле.

   Гүлзат Шаршенбековнанын үй-бүлөсүнө, бир туугандарына жана жакындарына терең кайгыруу менен көңүл айтып, орду толгус кайгысын тең бөлүшөбүз!

 

Саламаттыкты сактоо министри Алымкадыр Бейшеналиев, министрдин орун басары Медербек Исмаилов, министрдин орун басары Айжамал Шамбетова, министрдин орун басары Бүбүжан Арыкбаева, министрдин орун басары Бакыт Жангазиев.

Эне жана баланы коргоо улуттук борборунун жетекчилиги жана кызматкерлери.