Улуттук госпиталга нейронавигациялык система тапшырылды
02.08.2022 / Просмотров: 778
Кыргызстанда биринчи жолу нейронавигациялык система пайда болду. Бул мээдеги шишиктердин ордун тез жана максималдуу так аныктоого жана эң кыска рационалдуу хирургиялык ыкманы колдонууга жардам берген медициналык жабдуулар.
Нейронавигациялык система баш сөөктү трепанациялоо аянтын жана жакын жердеги маанилүү мээ түзүмдөрүнө зыян келтирүү коркунучун бир топ кыскарта алат.
Нейронавигациялык система Дүйнөлүк банк тарабынан каржыланган “COVID-19га ыкчам чара көрүү” долбоору аркылуу Улуттук госпитал үчүн сатылып алынган.
Нейронавигациянын жардамы менен алынган маалыматтар операцияны эффективдүү пландаштырууга жана өзгөчө тактык менен аткарууга мүмкүндүк берет, бул бейтаптын өмүрүнө жана ден соолугуна коркунучтарды олуттуу азайтат.
Бул система “COVID-19га ыкчам чара көрүү” долбоору аркылуу мурда сатылып алынган нейрохирургиялык жабдууларга (эндоскопиялык стеллаж топтомуна) кошумча сатылып алынган, ал COVID-19дан кийинки бейтаптардагы нейрохирургиялык оорулардын кеңири спектрин дарылоо үчүн колдонулат.
«Биздин Улуттук госпиталда нейронавигациялык системанын пайда болушу менен операциядан кийинки оорлошуп кетүү кыйла азайды. Нейронавигациялык аппарат реалдуу убакытта мээнин локализациясын жана жакынкы маанилүү структураларын аныктоого мүмкүндүк берет. Бул мээнин критикалык аймактарына зыян келтирүү коркунучун азайтат”, - дейт Улуттук госпиталдын нейрохирургия бөлүмүнүн башчысы, профессор, медицина илимдеринин доктору Буранбек Дюшеев.
Долбоордун максаты - Кыргызстандын COVID-19 пандемиясына каршы даярдыгы жана жооп кайтаруу жаатындагы аракеттерине тийиштүү профилактикалык иш-чараларды камсыз кылуу, дары-дармектерди, буюмдарды жана медициналык жабдууларды сатып алуу, ошондой эле медицина кызматкерлери үчүн тобокелдиктерди азайтуу.
Прикрепленные файлы:
Другие Новости
23.09.2023
А.Бейшеналиев, Саламаттык сактоо министри: «Медициналык жардамга жеткиликтүүлүктөгү теңсиздикти жоюу кургак учук менен күрөшүү стратегиябыздын ажырагыс бөлүгү болуп саналат»
2023-жылдын 22-сентябрында Кыргыз Республикасынын Саламаттык сактоо министри Алымкадыр Бейшеналиев БУУнун Башкы ассамблеясынын кургак учукка каршы күрөшүүгө арналган Жогорку деңгээлдеги жыйынына катышты. 130дан ашык өлкөнүн премьер-министрлери, саламаттык сактоо министрлери жана башка жогорку кызмат адамдары билдирүү жасап, кургак учук менен күрөшүү боюнча өз өлкөлөрүнүн милдеттенмелерин дагы бир жолу ырасташты.
Министр Кыргызстандын кургак учук менен күрөшүүдөгү жетишкендиктери менен бөлүшүп, артыкчылыктуу багыттарды белгиледи. «Теңсиздик сапаттуу медициналык тейлөөгө жана медициналык тейлөөгө жетүүгө тоскоолдуктарды жаратып, кургак учуктун өз убагында диагностикасын жана дарылоону, айрыкча кирешеси төмөн жана ортодон төмөн өлкөлөрдө кыйындатат. Медициналык жардамга жеткиликтүүлүктөгү теңсиздикти жоюу кургак учукту жоюу боюнча биздин стратегиянын ажырагыс бөлүгү болуп саналат», - деди А.Бейшеналиев.
Өз сөзүндө министр ошондой эле көп дарыга туруктуу кургак учуктун жайылышына тынчсыздануусун билдирип, дүйнөлүк коомчулукту жаңы дарыларга жана диагностикалык методдорго инвестиция салууга чакырды.
Маалымат үчүн: 2023-жылдын 22-сентябрында БУУнун Башкы ассамблеясынын кургак учукка каршы күрөшүүгө арналган жогорку деңгээлдеги жыйыны өтүп жатат. Жыйынга 130дан ашуун өлкөнүн, ошондой эле эл аралык уюмдардын өкүлдөрү катышууда.
22.09.2023
Алымкадыр Бейшеналиев, Саламаттык сактоо министри: «Саламаттык сактоо кызматтары менен жалпы камтуу жарандардын эле милдети эмес, бул бүткүл адамзаттын милдети»
«Саламаттык сактоо кызматтары менен жалпы камтуу жарандардын эле милдети эмес, бул бүткүл адамзаттын милдети» - Алымкадыр Бейшеналиев БУУнун Жогорку деңгээлдеги жыйынында сөз сүйлөдү. Министр белгилегендей, COVID-19 пандемиясы кризистерге жооп берүүгө даяр күчтүү саламаттык сактоо тутумуна ээ болуу канчалык маанилүү экенин көрсөттү, бирок кыйынчылыктар жугуштуу оорулар менен эле чектелбейт.
«Биз жүрөк-кан тамыр оорулары, диабет жана рак сыяктуу жугуштуу эмес оорулардын эпидемиясына туш болуп жатабыз. Бул оорулар жыл сайын миллиондогон адамдардын өмүрүн алып, эбегейсиз экономикалык зыян алып келет. Бирок сапаттуу медициналык жардам күчү менен алардын көбүн алдын алса болот», - деди Бейшеналиев.
Өз сөзүндө Саламаттык сактоо министрлигинин башчысы өлкөнүн баштапкы медициналык-санитардык жардам кызматын трансформациялоо жана аны медициналык кызматты үзгүлтүксүз көрсөтүүгө даярдоо боюнча жетишкендиктери тууралуу кеңири айтып берди. А.Бейшеналиев саламаттык сактоо системасында жугуштуу эмес оорулардын алдын алууга багытталган инвестициялар чечүүчү мааниге ээ экенин баса белгиледи. Министр ошондой эле медициналык кызматтарга жетүүдө теңсиздикти кыскартуудагы санариптик чечимдердин ролун белгиледи.
Маалымат үчүн: 2023-жылдын 21-сентябрында БУУнун Башкы ассамблеясынын алкагында өтүп жаткан ден соолукту универсалдуу камтуу боюнча жогорку деңгээлдеги жыйын өтүүдө. Жыйынга 149 өлкөнүн, ошондой эле эл аралык уюмдардын өкүлдөрү катышууда.
21.09.2023
КР Саламаттык сактоо министри БУУнун Башкы Ассамблеясынын алкагында өтүп жаткан пандемиянын алдын алуу, ага даярдык көрүү жана ага каршы күрөшүү боюнча жогорку деңгээлдеги жыйында сөз сүйлөдү
2023-жылдын 20-сентябрында Саламаттык сактоо министри Алымкадыр Бейшеналиев БУУнун Башкы Ассамблеясынын алкагында өтүп жаткан пандемиянын алдын алуу, ага даярдык көрүү жана ага каршы күрөшүү боюнча жогорку деңгээлдеги жыйында сөз сүйлөдү.
А. Бейшеналиев белгилегендей, өткөн пандемиядан алынган негизги сабак саламаттыкты сактоонун күчтүү жана туруктуу улуттук тутумун түзүү зарылчылыгы болуп саналат. «Пандемия биздин жарандардын ден соолугуна жана өмүрүнө коркунуч болгондо чек аралар жана улуттук кызыкчылыктар маанилүү болбой турганын көрсөттү. Биз саламаттыкты сактоо тутумубузду чыңдоого, калктын бардык катмарынын медициналык жардамга жеткиликтүүлүгүн камсыздоого инвестиция салышыбыз керек», - деди Бейшеналиев.
Өз сөзүндө Саламаттык сактоо министри келечектеги коркунучтарга даярдык көрүүнүн маанилүүлүгүн белгиледи. А.Бейшеналиев Кыргызстан Дүйнөлүк саламаттык сактоо уюмунун Европа аймагында биринчилерден болуп Эл аралык санитардык эрежелерди ишке ашыруунун алкагында экинчи биргелешкен тышкы баалоону өткөргөнүн баса белгилеп, ошондой эле Саламаттык сактоонун улуттук планы иштелип чыкканын билдирди.
Маалымат үчүн: 2023-жылдын 20-сентябрында БУУнун Башкы ассамблеясынын алкагында өтүп жаткан пандемиянын алдын алуу, ага даярдык көрүү жана ага жооп кайтаруу боюнча жогорку деңгээлдеги жыйын өтүүдө. Жыйынга 150 өлкөнүн, ошондой эле эл аралык уюмдардын өкүлдөрү катышууда.