Республикалык иммунопрофилактика борборунун адистери саламаттыкты сактоо уюмдарында кызамык/кызылча жана полиомиелит/курч шал оорусларына активдүү көзөмөлдүн мониторингин баалоодо

27.05.2022 / Просмотров: 1181

Коңшу Тажикстан Республикасында кызамык оорусунун чыгышына байланыштуу, ДССУнун маалыматы боюнча, 2022-жылдын 20-апрелине карата 14 райондо 115 лабораториялык тастыкталган кызамык оорусу катталган, алардын эң көп саны Душанбеде – 72 учур, жана 2021-жылы Дүйнөлүк саламаттыкты сактоо уюму тарабынан жарыяланган полиомиелит чөйрөсүндөгү эл аралык маанидеги экинчи даражадагы коомдук саламаттыкты сактоонун өзгөчө кырдаалына байланыштуу Республикалык иммунопрофилактика борборунун адистери Кыргыз Республикасынын Саламаттык сактоо министрлигинин буйругун аткаруу үчүн Кыргыз Республикасынын 2009-жылдын 25-декабрындагы № 841 "Кыргыз Республикасында кызамык, кызылча оорусларына эпидемиологиялык көзөмөлдөө тутумун күчөтүү жөнүндө", ошондой эле полиомиелиттен эркин өлкөнүн статусун сактоо боюнча Кыргыз Республикасынын 2009-жылдын 25-декабрындагы № 840 «Сертификациядан кийинки мезгилде полиомиелитке жана АФПга эпидемиологиялык көзөмөлдөө тутумун өркүндөтүү жөнүндө” буйругун аткаруу үчүн жана 2022-жылдын 23-майынан 27-майына чейинки иш-чаралардын алкагында республиканын 5 облусунда: Чүй, Талас, Ош, Жалал-Абад жана Баткен жана Бишкек, Ош шаарларындагы саламаттыкты сактоо уюмдарында кызамык жана полиомиелит/курч шал оорусуна эпидемиологиялык көзөмөл жүргүзүү системасынын  ишмердүүлүгүнө баа берилди.

 

Бул баалоонун максаты - ооруканалардагы, БМСЖдагы, коомдук саламаттыкты сактоо кызматтарындагы медициналык кызматкерлердин кызамык/кызылча жана полиомиелит/КШО учурларын аныктоо, каттоо, иликтөө, очокторун жоюу жана локалдаштыруу үчүн шашылыш профилактикалык жана эпидемияга каршы чараларды көрүү боюнча сергектигин жогорулатуу жана билимин өркүндөтүү.

 

Негизги баалоо тобу, анын курамына: шал оорусу боюнча аттестациялык комиссиянын мүчөсү, невропатолог Кадырова А.Ш., КР ССМ РИБнин эпидемиологдору – Даданова Г.С., Макилова А.К., Замирбекова Н.З. жана ДССУ/Европа өкүлчүлүгүнүн Кыргызстандагы өкүлү Хатуна Ломашвили кирет.

 

Баалоо учурунда жугуштуу оорулар, неврология, балдар бөлүмдөрүндө, ҮМБ/ҮДТ иш жүргүзүлүп, анда төмөнкүдөй милдеттер коюлган:

 

• Стандарттык КШО учурларын аныктоо жана жооп кайтаруу чаралары боюнча МКдин билимин жана көндүмдөрүн баалоо;

 

• КШО классификациясына кирген иштер боюнча маалыматтарды чогултуу (баштапкы документтерди текшерүү);

 

• КШО менен ооруган пациенттерден анализдерди чогултуу, сактоо жана ташуу мүмкүнчүлүктөрү жөнүндө маалыматтарды чогултуу;

 

• Материалдарды чогултуу жана сактоо практикасына байкоо жүргүзүү аркылуу баа берүү;

 

• Полиомиелитке/КШОго байкоо жүргүзүү боюнча медициналык дарыгерлердин күнүмдүк практикасында келип чыккан көйгөйлөрдү аныктоо;

 

• Полиомиелитти көзөмөлдөө системасынын ишин мындан ары жакшыртуу боюнча иш-аракеттердин планын иштеп чыгуу

 

COVID-19 пандемиясы эмдөө менен камтылышынын кооптуу төмөндөшүнө алып келди, бул кызамыктын жайылып кетүү коркунучун жогорулатты.

 

2021-жылы республикада КПК 1 дозасы менен камтуу 89%ды, ал эми экинчи дозасы менен камтуу 92%ды түздү. Ошондой эле, Кыргыз Республикасында полиомиелит боюнча 1993-жылдан бери жапайы жана вакцина менен байланышкан полиовирустар катталган эмес. 2002-жылдан бери өлкө полиомиелиттен эркин өлкө катары тастыкталган.

 

Учурдагы кырдаалда инфекциянын республикага кирип кетүү коркунучу бар, анткени бул инфекцияга каршы ар кандай себептер менен эмдөөдөн өтпөгөндөр дагы эле бар (баш тартуулар, медициналык бошотуулар, бир эмдөөдөн өткөндөр).

 

Урматтуу ата-энелер! Эсиңизде болсун! Эмдөө – бул вакцина менен алдын ала турган инфекциялардан коргонуунун эң ишенимдүү жолдорунун бири!

Прикрепленные файлы:

Другие Новости

28.03.2024
НЕКРОЛОГ

2024-жылдын 27-мартында Ысык-Көл райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери Токтоназарова Алина Эсентуровна мезгилсиз дүйнөдөн кайтты. Ал өлкөнүн саламаттык сактоо тармагын өнүктүрүүдө өчпөс из калтырды.

Эмгек жолун 1998-жылы санитардык агартуу бөлүмүндө санитардык врач болуп баштаган, 2003-жылдан тартып Ысык-Көл райондук мамлекеттик санитардык-эпидемиологиялык көзөмөл борборунда тамак-аш гигиенасы боюнча санитардык дарыгер кызматын аркалаган. 2009-жылы Ысык-Көл облустук оорулардын алдын алуу борборунда мамлекеттик санитардык-эпидемиологиялык көзөмөл бөлүмүнүн башчысы, ал эми 2010-жылы санитардык бөлүмдүн башчысы болуп иштеген.

2012-жылы Кыргыз Республикасынын Өкмөтүнө караштуу Санитардык, ветеринардык жана фитосанитардык коопсуздук боюнча мамлекеттик инспекциясынын Бишкек шаардык инспекциясынын башкы санитардык көзөмөл адиси болуп дайындалган. 2013-жылы Ысык-Көл райондук мамлекеттик санитардык-эпидемиологиялык көзөмөл борборуна санитардык дарыгер болуп кайтып келген.

2021-жылы Ысык-Көл райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери болуп дайындалып, өмүрүнүн акыркы күндөрүнө чейин баа жеткис эмгегин улантты.

 

Анын кесипкөйлүгү, ишке берилгендиги жана жарандардын ден соолугуна болгон камкордугу кесиптештеринин эсинде түбөлүккө сакталат. Анын дүйнөдөн кайтканы бул керемет инсанды билген жана баалаган ар бир адам үчүн орду толгус жоготуу.

Токтоназарова Алина Эсентуровнанын үй-бүлөсүнө жана жакындарына терең кайгыруу менен көңүл айтабыз.

 

Саламаттык сактоо министри Алымкадыр Бейшеналиев, министрдин орун басары Медербек Исмаилов, министрдин орун басары Айжамал Шамбетова, министрдин орун басары Бүбүжан Арыкбаева, министрдин орун басары Бакыт Джангазиев. Оорулардын алдын алуу жана мамлекеттик санитардык-эпидемиологиялык департаментинин эмгек жамааты.

28.03.2024
НЕКРОЛОГ

Саламаттыкты сактоо системасы, анын ичинде Эне жана баланы коргоо улуттук борбору орду толгус жоготууга учурады. Эне жана баланы коргоо улуттук борборунун мурдагы директору, медицина илимдеринин доктору, илимий кызматкер Маймерова Гүлзат Шаршенбековна 51 жашында мезгилсиз дүйнөдөн кайтты.

Маймерова Гүлзат Шаршенбековна 1973-жылы 2-июнда Бишкек шаарында туулган. Гүлзат Шаршенбековна 2000-жылы Кыргыз мамлекеттик медициналык академиясын ийгиликтүү аяктап, 2010-жылы илимий ишмердүүлүгүн баштап, медицина илимдеринин кандидаты, 2016-жылы ага илимий кызматкер наамы ыйгарылып, 2018-жылы медицина илимдеринин доктору илимий даражасын ийгиликтүү коргогон.

   Мугалимдик эмгек жолун 2015-жылы баштаган, ал учурда Эне жана баланы коргоо улуттук борборунда клиникалык ординаторлордун жетекчиси болгон. 2019-жылдан бери Кыргыз Республикасынын Саламаттык сактоо министрлигинин алдындагы дипломдон кийинки билим берүүнүн координациялык кеңешинин катчысынын милдетин аткарып, жалпы практикадагы ординаторлордун күндөлүгүн түзүүгө активдүү катышкан.

2016-жылдан тарта Г.Ш.Маймерова Эне жана баланы коргоо улуттук борборунун директорунун илимий иштер боюнча орун басары кызматына дайындалгандан кийин 20 жылдан бери биринчи жолу балдар хирургиясы боюнча кандидаттык диссертация корголгон. Ошондон бери Эне жана баланы коргоо улуттук борборунун «Эне жана баланы коргоо» илимий журналында педиатрия, балдар хирургиясы жана акушердик-гинекология боюнча редактордун орун басары болуп эмгектенип келген. Гүлзат Маймерованын жигердүү ишинин натыйжасында 2020-жылдан баштап бул журнал Россия Федерациясынын Россиянын илимий цитаталар индексинин базасына киргизилген.

Жогорку категориядагы дарыгер, саламаттыкты сактоонун “Эмгек сиңирген ишмери” Гүлзат Шаршенбековна 2018-жылы Кыргыз Республикасынын саламаттыкты сактоо тармагында көп жылдык үзүрлүү эмгеги,калктын ден соолугун чыңдоого кошкон зор салымы, ошондой эле активдүү коомдук ишмердиги үчүн Кыргыз Республикасынын Жогорку Кеңешинин “Ардак Грамотасы” менен сыйланган. Ал мыкты сапаттарга ээ, өзүнө коюлган милдеттерди тез жана сапаттуу чече билген тажрыйбалуу адис эле.

   Гүлзат Шаршенбековнанын үй-бүлөсүнө, бир туугандарына жана жакындарына терең кайгыруу менен көңүл айтып, орду толгус кайгысын тең бөлүшөбүз!

 

Саламаттыкты сактоо министри Алымкадыр Бейшеналиев, министрдин орун басары Медербек Исмаилов, министрдин орун басары Айжамал Шамбетова, министрдин орун басары Бүбүжан Арыкбаева, министрдин орун басары Бакыт Жангазиев.

Эне жана баланы коргоо улуттук борборунун жетекчилиги жана кызматкерлери.

27.03.2024
Улуттук госпитал диагностикалык текшерүүлөрдү, ошондой эле атайын транспорт менен бейтаптарды ташуу кызматын көрсөтөт

Кыргыз Республикасынын Саламаттык сактоо министрлигине караштуу Улуттук госпиталда магниттик-резонанстык томография (МРТ) кабинети, компьютердик томография кабинети жана ангиография кабинети иштейт. Бейтаптар дарыгердин жолдомосу менен кабыл алынат.

Изилдөө баасы:

- МРТ текшерүү – 2100 сом;

MРТ бөлмөсү 24 саат бою иштейт.

Ич көңдөйүнүн жана наркозду талап кылган МРТ изилдөөлөрүнө бейтапты даярдоо тамактанууну жана суюктуктарды ичүүнү убактылуу чектөөнү камтышы мүмкүн. Кийимде металл буюмдар болбошу керек. МРТга каршы көрсөтмөлөр бейтаптын денесинде металл импланттарынын болушу.

 

- Компьютердик томография (КТ) – 1400 сом.

 

Ангиографиялык текшерүү – 5828 сом. Ангиографиялык текшерүүгө сарпталуучу материалдар бейтаптардын эсебинен камсыздалат.

 

Мындан тышкары, Улуттук госпиталдын базасында бейтаптарды кайра жандандыруу унаасы менен республиканын бардык аймактарына жеткирүү кызматы көрсөтүлүп, жол кире баасы саатына 826 сом, чакыруунун минималдуу убактысы 2 саат, километрге жараша күйүүчү май буйрутма берген тараптын эсебинен.

 

Жогоруда көрсөтүлгөн кызматтардын бардыгы Мамлекеттик монополияга каршы жөнгө салуу агенттиги менен макулдашылган жана бекитилгендигин белгилейбиз.

 

Кененирээк маалымат алуу жана алдын ала жазылуу үчүн 1295 кыска номуруна же 0755600161 байланыш номуруна чалсаңыз болот.