Жүрөк хирургиясы жана органдарды трансплантациялоо илимий-изилдөө институтуна карата мурдагы кызматкер А.А.Жоошев социалдык тармактарга жарыялаган фактыларды текшерүү боюнча КР Саламаттыкты сактоо министрлигинин комиссиясынын ишинин жыйынтыгы

06.06.2023 / Просмотров: 887

Кызматтык иликтөө жүргүзүү үчүн Кыргыз Республикасынын Саламаттык сактоо министрлигинин 05.06.2023-ж. №688 буйругу менен комиссия түзүлүп, объективдүү кароо максатында ЖХжОТИИнин директорунун орун басары Бекболот У.Н., Урманбетов К.С., аспирант У.Э.Абдикалил отурумга чакырылып, комиссиянын мүчөлөрү иштин жагдайы боюнча маалымат угушту.

ЖХжОТИИнин эки кызматкери катышкан бул окуя 2022-жылы болуп, ал маалда Бекболот У.Н. директордун дарылоо иштери боюнча орун басары кызматына дайындала электиги, директордун орун басары кызматына 2023-жылдын 6-апрелинен баштап дайындалганы аныкталды. Айта кетсек, ошол кезде директор болуп Т.З.Кудайбердиев иштеп, өз убагында эч кандай чара көрбөгөн. Учурда окуянын катышуучуларынын бири-бирине дооматы жок, түшүнүк каттары бар.

Бирок КР Саламаттыкты сактоо министрлиги медицина кызматкерлеринин кесиптештерине карата этикага жатпаган жүрүм-турумун (зомбулукту) кескин айыптайт. Буга байланыштуу комиссия директордун дарылоо иштери боюнча орун басары Бекболот у.Н. директордун дарылоо иштери боюнча орун басары У.Н Бекболоттун ээлеген кызматына ылайык келүүсү жөнүндө маселени кароо чечимин кабыл алды.

 

Ошондой эле, фактыларды текшерүү учурунда А.А.Жоошевдин видеокайрылуусунда айтылган кызматтан бошотулган кызматкерлерге (Ашимов Ж.И., Жуманазаров А.Б., Гайбылдаев Ж.Ж., Садабаев Р.А.) тиешелүү документтер суралып, изилденген. Жогоруда аталган кызматкерлердин бардыгы ээлеген кызматынан өз каалоосу боюнча бошотулган, бул алардын билдирүүлөрү менен тастыкталат. Кызматтан алынган 7 дарыгер тууралуу видео кайрылууда айтылган маалымат тастыкталган жок. Белгилей кетсек, министрлик саламаттыкты сактоо уюмдарынын ички дайындоолоруна кийлигишпейт.

Кыргыз Республикасындагы кошумча кесиптик билим берүү жөнүндө жобого ылайык, кесиптик кайра даярдоо боюнча кошумча билим берүү программалары адиске алган кесиптик билиминин чегинде жаңы кесиптик ишмердүүлүктү аркалоо үчүн зарыл болгон билимди, көндүмдөрдү камсыз кылган окуу программаларынын 500 сааттан ашык көлөмүндө ишке ашырылат. Бирок, Т.З.Кудайбердиев директор болуп турган убакта А.А.Жоошев рентген эндоваскулярдык хирургия боюнча баштапкы адистиги жок туруп, интервенциялык кардиология боюнча 240 сааттык квалификациясын жогорулатуу сертификаты менен 2022-жылдын 10-майында аталган институттун аритмолог-рентгенхирургу болуп дайындалган, бул жогоруда көрсөтүлгөн Жобого туура келбейт. Кызматка дайындалгандан кийин ал тараптан министрликке интервенциялык кардиология боюнча Казакстан Республикасында берилген сертификатты тастыктоо жана чет өлкөлүк окуу жайлардан берилген билими тууралуу документтердин деңгээлин жана мазмунун тастыктаган маалымкат алуу боюнча кайрылуулар болгон эмес. Бул окуя боюнча материалдар тиешелүү укук коргоо органдарына өткөрүлүп берилет.

Ошондой эле, институттун директору С.Э.Шабыралиевдин катында көрсөтүлгөндөй, 2023-жылдын 25-майында А.А. Жоошев реанимация бөлүмүндөгү нөөмөт убагында саат 01:00 - 05:00ке чейин жумуш ордунда болгон эмес, мунун кесепетинен жандандыруу бөлүмүндө жаткан бейтаптар жабыр тартып калышы мүмкүн эле.

ЖХжОТИИнин кызматкерлери жана институттун директору С.Э.Шабыралиевдин маалымат катына ылайык, А.А.Жоошев мурдагы директор Т.З.Кудайбердиевдин «өкүл баласы» болот.

Окуя болгондон кийин эртеси А.А.Жоошев өз  каалосу менен бошотуу тууралуу арыз жазган. ЖХжОТИИнин 2023-жылдын 26-майындагы № 62-К буйругуна ылайык бошотулган.

ЖХжОТИИнин башкы дарыгерин Кыргыз Республикасынын Саламаттыкты сактоо министри тарабынан дайындалышы тууралу комиссия төмөнкүлөрдү билдирет: Жүрөк хирургиясы жана органдарды трансплантациялоо илим-изилдөө институтунун Уставынын 22-пунктуна ылайык ЖХжОТИИнин директору болуп 70 жаштан улуу эмес, тиешелүү профилдеги докторлук даражасы бар адистердин ичинен 5 жылдык мөөнөткө дайындалат. Тиешелүү профилдеги илимдин доктору илимий даражасы бар адис жок болгон учурда тиешелүү профилдеги илимдин кандидатын дайындоого жол берилет. Илимдин доктору даражасы бар адис гана директор болушу керек деген маалымат чындыкка дал келбейт.

Ошондой эле ушул эле Уставдын 26-пунктуна ылайык, ЖХжОТИИнин директорунун орун басарлары (видео кайрылууда бул кызмат башкы дарыгер деп аталат) директор тарабынан дайындалат жана кызматтык нускамаларга ылайык ыйгарым укуктарын жүзөгө ашырат. Ушуга байланыштуу Кыргыз Республикасынын Саламаттык сактоо министри тарабынан институттун директорунун орун басары (башкы дарыгер) дайындалгандыгы, ошондой эле ал  министрдин “өкүл баласы” деген маалымат чындыкка дал келбейт. "Жарандардын кайрылууларын кароонун тартиби жөнүндө" Кыргыз Республикасынын Мыйзамынын 4-беренесинин 5-пунктуна ылайык, белгиленген тартипте гезиттердин, журналдардын, телекөрсөтүүнүн, радионун жана башка жалпыга маалымдоо каражаттарынын редакцияларынан түз телефон байланышы аркылуу келип түшкөн жарандардын кайрылуулары Кыргыз Республикасынын мыйзамдарында жана ушул Мыйзамда каралган тартипте жана мөөнөттө каралат. Ошентип, А.А.Жоошев өзүнүн видеокайрылуусунда "Жарандардын кайрылууларын кароонун тартиби жөнүндө" Кыргыз Республикасынын Мыйзамынын 14-беренесинин 2-пунктун бузган, анда башка адамдардын ар-намысына жана кадыр-баркына шек келтирген жана ишмердүүлүк беделине шек келтирген каралоочу материалдарды, билдирүүлөрдү камтыган кайрылууну жарандын берүүсү Кыргыз Республикасынын мыйзамдарына ылайык жоопкерчиликке алып келет. А.А.Жоошев тарабынан социалдык тармактарга жарыяланган жагдайларды кароонун жыйынтыгы менен комиссия укуктук баа берүү үчүн материалдарды тиешелүү укук коргоо органдарына жөнөтөт.

Институттун мурдагы директору Т.З.Кудайбердиевди ээлеген кызматынан бошотуу боюнча ал 2023-жылдын 16-февралында өз каалоосу менен кызматтан бошотуу жөнүндө арыз жазгандыгы аныкталып, Кыргыз Республикасынын Министрлер Кабинетинин 2023-ж. 1-мартындагы №106 буйругу менен бошотулган. Ошол учурда КР Башкы прокуратурасы тарабынан Т.З.Кудайбердиевге карата каржылык мыйзам бузуулар жана кызмат абалынан кыянаттык менен пайдалануу фактылары боюнча кылмыш иши козголгон.

Прикрепленные файлы:

Другие Новости

29.03.2024
Курортология жана реабилитациялык дарылоо кыргыз илимий-изилдөө институтунда мамлекеттик аптека ачылды

Бүгүн, 2024-жылдын 29-мартында, Кыргыз Республикасынын Саламаттык сактоо министри Алымкадыр Бейшеналиев Курортология жана реабилитациялык дарылоо кыргыз илимий-изилдөө институтунун базасында «Эл Аман» мамлекеттик дарыканасынын ачылыш аземине катышты.

Министр өз сөзүндө республиканын саламаттык сактоо уюмдарынын базасында «Эл Аман» мамлекеттик аптекалар тармагынын ачылышы өлкөнүн калкын жеткиликтүү жана сапаттуу дары-дармек менен камсыздоого умтулуу экендигин белгиледи. Мамлекеттик аптека өлкөдөгү жеке дарыканаларга салыштырмалуу 10-15% арзандатылган жеткиликтүү баада дарылардын кеңири спектрин сунуштайт.

Курортология жана реабилитациялык дарылоо кыргыз илимий-изилдөө институтунда жылына 15 миңге жакын бейтап дарыланып, Таш-Дөбө, Бер-Булак, Кашка-Суу, Байтик, Арчалы, Арашан айылдарынын тургундары керектүү дары-дармектерди ҮДТнын дарыгерлери жазып берген рецепт боюнча сатып ала алышат.

Белгилей кетсек, өлкө боюнча жалпысынан 78 мамлекеттик дарыкана иштеп, калкты жеткиликтүү баада дары-дармек менен камсыз кылууда.

28.03.2024
НЕКРОЛОГ

2024-жылдын 27-мартында Ысык-Көл райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери Токтоназарова Алина Эсентуровна мезгилсиз дүйнөдөн кайтты. Ал өлкөнүн саламаттык сактоо тармагын өнүктүрүүдө өчпөс из калтырды.

Эмгек жолун 1998-жылы санитардык агартуу бөлүмүндө санитардык врач болуп баштаган, 2003-жылдан тартып Ысык-Көл райондук мамлекеттик санитардык-эпидемиологиялык көзөмөл борборунда тамак-аш гигиенасы боюнча санитардык дарыгер кызматын аркалаган. 2009-жылы Ысык-Көл облустук оорулардын алдын алуу борборунда мамлекеттик санитардык-эпидемиологиялык көзөмөл бөлүмүнүн башчысы, ал эми 2010-жылы санитардык бөлүмдүн башчысы болуп иштеген.

2012-жылы Кыргыз Республикасынын Өкмөтүнө караштуу Санитардык, ветеринардык жана фитосанитардык коопсуздук боюнча мамлекеттик инспекциясынын Бишкек шаардык инспекциясынын башкы санитардык көзөмөл адиси болуп дайындалган. 2013-жылы Ысык-Көл райондук мамлекеттик санитардык-эпидемиологиялык көзөмөл борборуна санитардык дарыгер болуп кайтып келген.

2021-жылы Ысык-Көл райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборунун башкы дарыгери болуп дайындалып, өмүрүнүн акыркы күндөрүнө чейин баа жеткис эмгегин улантты.

 

Анын кесипкөйлүгү, ишке берилгендиги жана жарандардын ден соолугуна болгон камкордугу кесиптештеринин эсинде түбөлүккө сакталат. Анын дүйнөдөн кайтканы бул керемет инсанды билген жана баалаган ар бир адам үчүн орду толгус жоготуу.

Токтоназарова Алина Эсентуровнанын үй-бүлөсүнө жана жакындарына терең кайгыруу менен көңүл айтабыз.

 

Саламаттык сактоо министри Алымкадыр Бейшеналиев, министрдин орун басары Медербек Исмаилов, министрдин орун басары Айжамал Шамбетова, министрдин орун басары Бүбүжан Арыкбаева, министрдин орун басары Бакыт Джангазиев. Оорулардын алдын алуу жана мамлекеттик санитардык-эпидемиологиялык департаментинин эмгек жамааты.

28.03.2024
НЕКРОЛОГ

Саламаттыкты сактоо системасы, анын ичинде Эне жана баланы коргоо улуттук борбору орду толгус жоготууга учурады. Эне жана баланы коргоо улуттук борборунун мурдагы директору, медицина илимдеринин доктору, илимий кызматкер Маймерова Гүлзат Шаршенбековна 51 жашында мезгилсиз дүйнөдөн кайтты.

Маймерова Гүлзат Шаршенбековна 1973-жылы 2-июнда Бишкек шаарында туулган. Гүлзат Шаршенбековна 2000-жылы Кыргыз мамлекеттик медициналык академиясын ийгиликтүү аяктап, 2010-жылы илимий ишмердүүлүгүн баштап, медицина илимдеринин кандидаты, 2016-жылы ага илимий кызматкер наамы ыйгарылып, 2018-жылы медицина илимдеринин доктору илимий даражасын ийгиликтүү коргогон.

   Мугалимдик эмгек жолун 2015-жылы баштаган, ал учурда Эне жана баланы коргоо улуттук борборунда клиникалык ординаторлордун жетекчиси болгон. 2019-жылдан бери Кыргыз Республикасынын Саламаттык сактоо министрлигинин алдындагы дипломдон кийинки билим берүүнүн координациялык кеңешинин катчысынын милдетин аткарып, жалпы практикадагы ординаторлордун күндөлүгүн түзүүгө активдүү катышкан.

2016-жылдан тарта Г.Ш.Маймерова Эне жана баланы коргоо улуттук борборунун директорунун илимий иштер боюнча орун басары кызматына дайындалгандан кийин 20 жылдан бери биринчи жолу балдар хирургиясы боюнча кандидаттык диссертация корголгон. Ошондон бери Эне жана баланы коргоо улуттук борборунун «Эне жана баланы коргоо» илимий журналында педиатрия, балдар хирургиясы жана акушердик-гинекология боюнча редактордун орун басары болуп эмгектенип келген. Гүлзат Маймерованын жигердүү ишинин натыйжасында 2020-жылдан баштап бул журнал Россия Федерациясынын Россиянын илимий цитаталар индексинин базасына киргизилген.

Жогорку категориядагы дарыгер, саламаттыкты сактоонун “Эмгек сиңирген ишмери” Гүлзат Шаршенбековна 2018-жылы Кыргыз Республикасынын саламаттыкты сактоо тармагында көп жылдык үзүрлүү эмгеги,калктын ден соолугун чыңдоого кошкон зор салымы, ошондой эле активдүү коомдук ишмердиги үчүн Кыргыз Республикасынын Жогорку Кеңешинин “Ардак Грамотасы” менен сыйланган. Ал мыкты сапаттарга ээ, өзүнө коюлган милдеттерди тез жана сапаттуу чече билген тажрыйбалуу адис эле.

   Гүлзат Шаршенбековнанын үй-бүлөсүнө, бир туугандарына жана жакындарына терең кайгыруу менен көңүл айтып, орду толгус кайгысын тең бөлүшөбүз!

 

Саламаттыкты сактоо министри Алымкадыр Бейшеналиев, министрдин орун басары Медербек Исмаилов, министрдин орун басары Айжамал Шамбетова, министрдин орун басары Бүбүжан Арыкбаева, министрдин орун басары Бакыт Жангазиев.

Эне жана баланы коргоо улуттук борборунун жетекчилиги жана кызматкерлери.