Ден соолук жаңылыктары

Акыркы жанылыктар

17

07

2024

КР Саламаттык сактоо министри ата мекендик спортчуларга Олимпиада алдында ийгиликтерди каалады

10.07.2024

Боору трансплантацияланган бейтаптар канааттандырарлык абалда үйүнө чыгарылды

08.07.2024

КР Саламаттыкты сактоо министрлиги кореялык H-Robotics компаниясынан реабилитациялык жабдууларды алат

28.01.2022
Жумабай Кожомкуловдун жаркын элесине

2022-жылдын 27-январында 85 жаш курагында көрүнүктүү ортопед, илимпоз, медицина илимдеринин кандидаты, саламаттыкты сактоонун отличниги Кожомкулов Жумабай Кожомкулович дүйнөдөн кайтты.

 

Ал абийирдүү, чынчыл, өз өлкөсүнүн кадыр-барктуу атуулу катары өмүр сүрдү. Жумабай Кожомкулович Кожомкулов 1937-жылы 18-июнда Кыргыз ССРинин Калинин районундагы Талды-Булак айылында туулган. 1962-жылы Кыргыз мамлекеттик медициналык институтун аяктагандан кийин Ош шаарындагы облустук кесиптештирилген ооруканада хирург болуп иштей баштаган.

 

1968-жылдан 2021-жылга чейин 53 жыл Кыргыз илим изилдөө институтунда, азыркы Улуттук фтизиатрия борборунда иштеген. Медициналык, педагогикалык жана илимий ишмердүүлүк менен алектенип, ошол эле учурда институттун башкы дарыгери (1981-1989) болгон. Мекеменин жетекчиси болуп иштеген мезгилде институттун материалдык-техникалык базасы чыңдалып, мурдагы СССРдин башка мекемелери менен илимий байланыштар чыңдалып, илимий изилдөөлөрдүн жыйынтыктары чет элдик басылмаларга жарыяланып турган. 1990-жылы медицина илимдеринин кандидаты илимий даражасын алуу үчүн диссертациясын жактаган.

 

Кыргыз Республикасынын Саламаттык сактоо министрлиги жана Улуттук фтизиатрия борборунун жамааты маркумдун жакындарына жана үй-бүлөсүнө терең кайгыруу менен көңүл айтат.

 

Жумабай Кожомкуловичтин элеси аны билгендердин, жакындарынын, бейтаптардын, илимий кызматкерлердин жана студенттердин жүрөгүндө сакталат.

 

 

Бейшеналиев А.С., Ташиев Ж.А., Рахматуллаев Ж.М., Бектурганов У.Б., Каратаев М.М., Токтогонова А.А., Сакмаматов К.М., Абдрахманова Э.Д., Кыдыралиева Г.Э., Абдиев М.Д., Кубатбек уулу, Разаков О.Р., Тыныстанова Р.И., Мукамбаев К.М., Чубаков Т.Ч., Кадыров А.С жана башкалар.

29.01.2022
Саламаттык сактоо министрлигинин жана ведомстволук уюмдарынын кызматкерлери "Алтын балалык" комплексинде карагайларды отургузушту

Бугун, 29-январда Саламаттык сактоо министри Алымкадыр Бейшеналиев баштаган  Саламаттык сактоо министрлигинин борбордук аппаратынын, Дары кажаттары жана медициналык буюмдар департаментинин, Милдеттүү медициналык камсыздандыруу фондунун, Электрондук саламаттык сактоо борборунун кызматкерлери Чолпон-Ата шаарында жайгашкан "Алтын балалык" медико-реабилитациялык комплексинде айлана-чөйрөсүн көрктөндүрүү, жашылдандыруу үчүн ишембилик өткөрүп, карагай отургузууда.

“Бул алгачкы ишембилик эмес, өткөн жылдын декабрь айында да республиканын саламаттык сактоо уюмдарынын жетекчилеринин катышуусунда жашылдандыруу иштери жүргүзүлүп,  кайын, балаты, арча отургузулган. Комлекстин айланасын көрктөндүрүү, жыйнап-тазалоо боюнча ишембиликти мындан ары да уюштуруп турабыз. Себеби бул курулушчуларга болгон кол-кабыш деп эсептейм”,- деди саламаттык сактоо министри Алымкадыр Бейшеналиев.

 

 

Азыркы тапта курулуш иштери өз нугунда жүрүүдө, имараттын 70% бүткөрүлүп, калган 30%ын 1-июнга чейин бүткөрүү пландалууда.