ММК өкүлдөрү үчүн чакыруу

15.05.2023 / Просмотров: 39988

2023-жылдын 16-майында, саат 10:00дө, Park Hotel, L’Art/Summer Garden залында (Орозбеков көч., 87) «Коопсуз энелик» аталышында пресс-кафе өткөрүлөт. Иш-чара Кыргызстанда жыл сайын май айынын үчүнчү жекшембисинде белгиленүүчү Энелер күнүн белгилөөгө арналган. Быйыл Энелер күнү 21-майда белгиленет.

Келечек муундардын саламаттыгы, коомдун адеп-ахлактык принциптеринин жана баалуулуктарынын калыптанышы үй-бүлөнүн бакубаттуулугунан жана эненин ден соолугунун абалынан түздөн-түз көз каранды. Энелердин өлүмү боюнча Кыргызстан Чыгыш Европа жана Борбордук Азия өлкөлөрүнүн арасында алдыңкы орундардын бирин ээлейт.

Бардык эле аялдар үй-бүлөнү пландаштыруу, төрөткө чейинки жана төрөттөн кийинки кам көрүү, кош бойлуу аялдарга берилүүчү социалдык жеңилдиктер жөнүндө жетиштүү маалыматка ээ эмес. Ошондуктан репродуктивдүү курактагы аялдардын ден соолугун сактоо жана коопсуз эне болууну камсыздоо үчүн алар менен маалыматтык иш алып баруу зарыл.

Жалпыга маалымдоо каражаттары аялдарга жеткиликтүү кызматтар жана кош бойлуу аялдардын социалдык жана медициналык кызматтарды алуу укуктары жөнүндө маалымдоодо мамлекеттин негизги өнөктөштөрүнүн бири болуп саналат.

Иш-чарага Кыргыз Республикасынын Жогорку Кеңешинин, Кыргыз Республикасынын Саламаттык сактоо министрлигинин, Кыргыз Республикасынын Эмгек, социалдык коргоо жана миграция министрлигинин, Милдеттүү медициналык камсыздандыруу фондунун, Республикалык ден соолукту чыңдоо жана массалык коммуникация борборунун өкүлдөрүнүн, ошондой эле медиа коомчулуктун, жарандык сектордун өкүлдөрүнүн, блоггерлердин жана эксперттердин катышуусу күтүлүүдө.

 

Аккредитация үчүн байланыш, Рахат, тел.: 0701 16-16-27

Прикрепленные файлы:

Другие Мероприятия

27.02.2024
ПРЕСС-АНОНС

28-февралда, саат 11:00дө Республикалык иммунопрофилактика борбору (Фрунзе көч., 535) кызамыкка каршы 264500 доза вакцина алат. Бул үчүн мамлекеттик бюджеттен 21 миллион сом бөлүнгөн.

Республикалык иммунопрофилактика борборуна вакциналарды өткөрүп берүү иш-чарасына КР Саламаттыкты сактоо министринин орун басары Бүбүжан Арыкбаева жана ЮНИСЕФтин өкүлдөрү катышат.

Кызамык оорусуна каршы эмдөө өнөктүгүнүн экинчи этабынын алкагында 9 айдан 7 жашка чейинки балдар кызамыкка каршы вакцина (ККВ) менен эмдөөдөн өтүшөт. Вакцина ошондой эле республика боюнча оорулуу менен байланышта болгон бардык адамдарды шашылыш эмдөө үчүн жөнөтүлөт.

Башка аймактарда кызамык оорусуна каршы эмдөө өнөктүгүнүн экинчи фазасы ККВ вакцинасынын кошумча дозалары жеткиликтүү болгондон кийин башталат.

18.02.2024
ПРЕСС-АНОНС

19 февраля в Центре урологии Национального госпиталя с 08:00 до 13:00ч пройдут мастер классы с участием российских специалистов, во главе исполнительного директора Евразийской ассоциации урологов Евгения Безрукова. 

Кыргызские и российские специалисты проведут такие операции, как Лапароскопическая простатэктомия, Лазерная уретеролитотрипсия.

Кроме того, будут представлены лекции для специалистов по современным аспектам обучения лапароскопической и робот-ассистированной хирургии и др.                   

           По всем интересующим вопросам обращаться к секретарю Общества урологов КР 0708 410998 Улан.

18.02.2024
ПРЕСС-АНОНС

19.02.24 саат 10.00 Бишкек ш., Панфилов көч., 199 дарегинде жайгашкан Эндокринологиялык борбордо Диабеттик ретинопатияны дарылоо бөлмөсү ачылат.

   Кыргызстанда биринчи жолу кант диабетинен көздөрү жабыркаган бейтаптарды мамлекеттик клиникада (Эндокринология борбору) дарылоо мүмкүн болду. Статистикалык маалыматтарга ылайык, кант диабети менен ооруган ар бир 3чү оорулууда көздүн көрбөй калышына алып келиши мүмкүн болгон көйгөй бар. Көбүнчө адамдар бул татаалдашууну билишпейт жана көздүн көрбөй калуусун алдын алууга кыйын болуп калганда кеч кайрылышат. Лазердик дарылоо кант диабети менен жабыркаган бейтаптардагы ретинопатияны алып барууда алтын стандарт болуп саналат. Көптөгөн өлкөлөрдө лазердик дарылоо ооруканага жаткырууну талап кылбайт жана амбулатордук негизде жүргүзүлөт. Бул процедура көп убакытты талап кылбайт, бирок бейтаптын жашоо сапаты көбүнчө анын өз убагында кабыл алынышынан көз каранды, анткени кеч дарттын кеч аныкталышы же жеке медициналык борборлордогу кымбатчылыктан улам дарыланбагандыктан көптөгөн бейтаптар өтүшүп кеткен учурда кайрылышат. Анда дарылоо көп чыгымды талап кылат.

Кант диабети менен ооруган бейтаптар жылына бир жолудан кем эмес офтальмологдун кароосунан өтүшү керек, өз убагында текшерүү жана өз убагында дарылоо биздин бейтаптардын абалын жакшыртат, ал эми бардык процедураларды бир жерден өткөрүү процедураларды күтүү убактысын кыскартат.