КР Саламаттыкты сактоо министрлиги менен БУУнун калк жайгаштыруу Фонду репродуктивдүү ден соолук жана үй-бүлөнү пландаштыруу боюнча мындан аркы кызматташууну талкуулады
09.09.2022 / Просмотров: 1105
9-сентябрда Бишкекте Кыргыз Республикасынын Саламаттык сактоо министри Гүлнара Баатырованын ЮНФПАнын Кыргызстандагы жаңы директору Ронни Линдстром менен расмий жолугушуусу болуп өттү.
Министр ЮНФПА өкүлчүлүгүнүн жаңы жетекчисин дайындалышы менен куттуктап, репродуктивдүү ден соолук жана үй-бүлөнү пландаштыруу боюнча БУУнун калк жайгаштыруу Фонду менен кызматташууну улантуунун маанилүүлүгүн белгиледи. Тактап айтканда, министр Кыргызстан «Үй-бүлөнү пландаштыруу-2030» программасынын алкагындагы бардык милдеттенмелерди аткарууга даяр экенин билдирди.
Р.Линдстром 2023-2027-жылдарга жаңы Өлкөлүк программасынын алкагындагы Фонддун пландары тууралуу айтып берди жана мындан аркы кызматташууга жана Фонд тарабынан саламаттыкты сактоо системасын ар тараптуу колдоого даяр экенин билдирди.
Тараптар медицина кызматкерлеринин потенциалын чыңдоо, калк арасында үй-бүлөнү пландаштыруу боюнча маалыматтык иштерди күчөтүү, репродуктивдүү ден соолук чөйрөсүндө медициналык мекемелерде кызмат көрсөтүүнүн сапатын жогорулатуу жана зордук-зомбулуктун курмандыгы болгон аялдарды толук кандуу медициналык жардам көрсөтүү жана коргоо сыяктуу тармактарда биргелешкен кызматташуу маселелерин талкуулашты.
Прикрепленные файлы:
Другие Новости
03.05.2024
Саламаттык сактоо министри Алымкадыр Бейшеналиев жабырлануучулардын абалы менен таанышты
2024-жылдын 3-майдын таңына карата Жалал-Абад облусунун саламаттык сактоо уюмдарында ар кандай жаракаттарды алган 20 жабырлануучу дарыланууда.
Министр Сузак аймактык ооруканасында жана Октябрь райондук жалпы дарыгерлик практика борборунда болуп, балдардын абалы менен таанышты. Ал ошондой эле Жалал-Абад облустук балдар ооруканасында реанимацияда оор абалда жаткан беш бейтаптын консультациясына катышты.
Жалал-Абад облустук балдар ооруканасында 12 бала дарыланууда, алардын бешөө реанимацияда; Жалал-Абад облустук клиникалык ооруканасында - 1, Сузак аймактык ооруканасында - 3, Октябрь ЖДПБда– 4 бала дарыланууда. Калган жабырлануучулардын абалы орточо оор деп бааланууда.
Саламаттык сактоо уюмдарында кандын жана анын компоненттеринин, дары-дармектердин жана медициналык буюмдардын жетиштүү запасы бар экенин белгилейбиз.
02.05.2024
Жабырлануучулардын абалы тууралуу маалымат
2024-жылдын 2-майында болжол менен саат 13:30 чамасында Жалал-Абад облусунун Сузак районунда иш-чара учурунда жаш балдарды портер авто унаасы коюп кетип 29 бала жабыр тарткан. Жаштары 9-16 жаш. Азыркы учурда Жалал-Абад облустук балдар ооруканасына, реанимация бөлүмүндө - 7, алардын ичинен уч баланын абалы оор; Сузак аймактык ооруканасына - 3 бала, Октябрь Жалпы дарыгерлик практика борборуна - 8 бала жаткызылды. Абалдары орто оордукта. Калган 11 балага жеринен жардам көрсөтүлүп, амбулатордук дапыланууга жөнөтүлгөн.
Бул окуя министр, Алымкадыр Бейшеналиевдин жеке көзөмөлүндө, тийиштүү бардык жетекчилерге сапаттуу медициналык жардам берүү, ошону менен бирге керектелүүчү дары-дармек жана медициналык буюмдар менен камсыз кылууну тапшырды.
30.04.2024
"Ички оорулар боюнча диалогдор" аталышындагы ЖОЖдор аралык илимий-практикалык конференция
2024-жылдын 23-24-апрелинде И.К.Ахунбаев атындагы Кыргыз мамлекеттик медициналык академиясында П.Е. Лукомский жана И.К.Ахунбаев атындагы Кыргыз мамлекеттик медициналык академиясынын 85 жылдыгына арналган "Ички оорулар боюнча диалогдор" аталышындагы эл аралык ЖОЖдор аралык илимий-практикалык конференция болуп өттү.
Иш-чара И.К.Ахунбаев атындагы КММА тарабынан Россиянын терапевттеринин илимий медициналык коому менен биргеликте уюштурулган.
Конференцияга Россия, Өзбекстан, Казакстан жана Кыргызстандан кардиология, ревматология, нефрология, гастроэнтерология, геронтология, эндокринология тармагындагы алдыңкы адистер жана клиникалык фармакологдор катышты. Ошондой эле ар кандай медициналык университеттердин (Бишкек, Ош, Бухара, Шымкент) жаш изилдөөчүлөрү жана терапевттери баяндама жасашты.
Жаш терапевттердин сынагынын жыйынтыгы чыгарылып, анын жыйынтыгында эң мыкты иштер үчүн Ардак грамоталар тапшырылды. Кошумчалай кетсек, ачылыш аземинде бир катар илимпоздор жана практик дарыгерлер Россиянын терапевттеринин илимий медициналык коомунун «Гравертон ыраазычылык» жана Ардак грамоталары менен сыйланышты.