Саламаттыкты сактоо министрлигинде Кызыл Крест жана Кызыл Жарым Ай коомдорунун Эл аралык федерациясынын башкы катчысы менен жолугушуу өттү
23.05.2023 / Просмотров: 1250
Бүгүн, 2023-жылдын 23-майында Кыргыз Республикасынын Саламаттык сактоо министрлигинде саламаттык сактоо министринин орун басары Тилек Мамадалиев менен Кызыл Крест жана Кызыл Жарым Ай Коомдорунун Эл аралык Федерациясынын (ККЭФ) Башкы катчысы Джаган Чапагейн жолугушту.
Жолугушууда биринчи медициналык жардам көрсөтүү, санариптештирүү, волонтердук ишмердүүлүк жаатында эки тараптуу кызматташуунун артыкчылыктуу багыттары жана маселелери талкууланды.
Министрдин орун басары Джаган Чапагейнди экинчи мөөнөткө Башкы катчы болуп дайындалышы менен куттуктап, анын ишине ийгиликтерди каалап, федерацияга COVID-19 менен күрөшүүдө жана Баткен облусунда болгон окуяларда көрсөткөн жардамы үчүн ыраазычылык билдирди.
Жолугушууда министрдин орун басары Тилек Мамадалиев Улуттук Кызыл Жарым Ай Коомунун ыктыярчыларынын COVID-19 пандемиясы күч алып турган учурда көрсөткөн жардамын баса белгилеп, Кыргызстандагы атайын баштапкы медициналык билими бар волонтерлордун санариптик реестри тууралуу айтып берди.
Жолугушуунун жыйынтыгында тараптар мындан аркы тыгыз кызматташуу ниетин билдиришти.
Прикрепленные файлы:
Другие Новости
03.05.2024
Саламаттык сактоо министри Алымкадыр Бейшеналиев жабырлануучулардын абалы менен таанышты
2024-жылдын 3-майдын таңына карата Жалал-Абад облусунун саламаттык сактоо уюмдарында ар кандай жаракаттарды алган 20 жабырлануучу дарыланууда.
Министр Сузак аймактык ооруканасында жана Октябрь райондук жалпы дарыгерлик практика борборунда болуп, балдардын абалы менен таанышты. Ал ошондой эле Жалал-Абад облустук балдар ооруканасында реанимацияда оор абалда жаткан беш бейтаптын консультациясына катышты.
Жалал-Абад облустук балдар ооруканасында 12 бала дарыланууда, алардын бешөө реанимацияда; Жалал-Абад облустук клиникалык ооруканасында - 1, Сузак аймактык ооруканасында - 3, Октябрь ЖДПБда– 4 бала дарыланууда. Калган жабырлануучулардын абалы орточо оор деп бааланууда.
Саламаттык сактоо уюмдарында кандын жана анын компоненттеринин, дары-дармектердин жана медициналык буюмдардын жетиштүү запасы бар экенин белгилейбиз.
02.05.2024
Жабырлануучулардын абалы тууралуу маалымат
2024-жылдын 2-майында болжол менен саат 13:30 чамасында Жалал-Абад облусунун Сузак районунда иш-чара учурунда жаш балдарды портер авто унаасы коюп кетип 29 бала жабыр тарткан. Жаштары 9-16 жаш. Азыркы учурда Жалал-Абад облустук балдар ооруканасына, реанимация бөлүмүндө - 7, алардын ичинен уч баланын абалы оор; Сузак аймактык ооруканасына - 3 бала, Октябрь Жалпы дарыгерлик практика борборуна - 8 бала жаткызылды. Абалдары орто оордукта. Калган 11 балага жеринен жардам көрсөтүлүп, амбулатордук дапыланууга жөнөтүлгөн.
Бул окуя министр, Алымкадыр Бейшеналиевдин жеке көзөмөлүндө, тийиштүү бардык жетекчилерге сапаттуу медициналык жардам берүү, ошону менен бирге керектелүүчү дары-дармек жана медициналык буюмдар менен камсыз кылууну тапшырды.
30.04.2024
"Ички оорулар боюнча диалогдор" аталышындагы ЖОЖдор аралык илимий-практикалык конференция
2024-жылдын 23-24-апрелинде И.К.Ахунбаев атындагы Кыргыз мамлекеттик медициналык академиясында П.Е. Лукомский жана И.К.Ахунбаев атындагы Кыргыз мамлекеттик медициналык академиясынын 85 жылдыгына арналган "Ички оорулар боюнча диалогдор" аталышындагы эл аралык ЖОЖдор аралык илимий-практикалык конференция болуп өттү.
Иш-чара И.К.Ахунбаев атындагы КММА тарабынан Россиянын терапевттеринин илимий медициналык коому менен биргеликте уюштурулган.
Конференцияга Россия, Өзбекстан, Казакстан жана Кыргызстандан кардиология, ревматология, нефрология, гастроэнтерология, геронтология, эндокринология тармагындагы алдыңкы адистер жана клиникалык фармакологдор катышты. Ошондой эле ар кандай медициналык университеттердин (Бишкек, Ош, Бухара, Шымкент) жаш изилдөөчүлөрү жана терапевттери баяндама жасашты.
Жаш терапевттердин сынагынын жыйынтыгы чыгарылып, анын жыйынтыгында эң мыкты иштер үчүн Ардак грамоталар тапшырылды. Кошумчалай кетсек, ачылыш аземинде бир катар илимпоздор жана практик дарыгерлер Россиянын терапевттеринин илимий медициналык коомунун «Гравертон ыраазычылык» жана Ардак грамоталары менен сыйланышты.